لمن هاذي القصيده

[ند فرسان]

الطيب فرصه والجمايل توافيق@ومن لاتوفق ماكتب له جماله

ومن لارقى للطيب روس الشواهيق@ مازان له وقته على ما بداله

ومادام لفعول الجمايل عشاشيق@ كسب الجمايل ما يجي بالسهاله

ولو انها تشرب مع فكت الريق@ كلن خذاله كل ما اصبح بياله

وطيب منوه للقلوب المشافيق@ كلن يتوق ومنوته راس ماله

والمدح ما يزهي على الرجل ويليق@ الا لا صارت وافيات خصاله

يستاهله رجلن يفك المزانيق @ اللي يقال ونعم لا جاء مجاله

ومن ساقته نفسه وهو مابعد سيق@ لا جل الجميل يزين الله فاله

والمرجله مهي بتحتاج تنسيق @ من بين قلب الى عشقها وباله

ومن عادة الدنياء تخون المواثيق@ تفتر مكرتها سوات المحاله

ولولا اللوازم ما عرفنا المخاليق @ من نعرف الرجال لين نعناله

ولكفؤ تظهر فزعته حزت الضيق@ وينشاف فشده بعين العداله

نسل الرجال متعبن الملاحيق @ متوسطن من بين عمه وخاله

واللي يطيق ولا بغى قال ما طيق @ تحرم عليه المرجله وشكاله

ولهينه تكبر على الش والهيق @ له فرخا قاله وفضيق قاله

والطيب شاره وضماير صناديق @واللاش طيبه ما تعدى ضلاله

وانا اسبر قلوب الرجال المغاليق@ وصامت اقطع غايته من مقاله

وما دام في الدنيا رجال ومطاليق @نصيتهم واللا ش مالي وماله

[راعي الدهما]

الله يعطيك العافيه يا ند فرسان


قصيدة جميلة صح لسان شاعرها


انا سمعت فيها قبل لا كن مااذكر شاعرها

لاكن ننتظر الاخوان الأعضاء انشاء الله يفيدونا


تحياتي لك

[ند فرسان]

المشاركة الأصلية كتبت بواسطة راعي الدهما

الله يعطيك العافيه يا ند فرسان


قصيدة جميلة صح لسان شاعرها


انا سمعت فيها قبل لا كن مااذكر شاعرها

لاكن ننتظر الاخوان الأعضاء انشاء الله يفيدونا


تحياتي لك

يعافيك ربي اخوي راعي الدهما

ومشكور على مرورك

[سمـــوم]

دورت لك عن شاعرها

الظاهر انه الشاعر

سعد بن مناحي بن شلفون


اتمنى اني وفيت


تقبل فائق احترامي

*اليــ!!ــاميه*

[ند فرسان]

المشاركة الأصلية كتبت بواسطة *اليــ!!ــاميه*

دورت لك عن شاعرها

الظاهر انه الشاعر

سعد بن مناحي بن شلفون


اتمنى اني وفيت


تقبل فائق احترامي

*اليــ!!ــاميه*

تسلمين اختي والله يعافيش

تحياتي لش

[سمـــوم]

المشاركة الأصلية كتبت بواسطة ند فرسان

تسلمين اختي والله يعافيش

تحياتي لش

الله يسلمك اخوي

نعين ونعاون

[سمو الأمير]

أنا هنا بس أسجل أعجاااااابى الشديد

فى القصيده

أشهد أنها جزله


تحياتى لك

أخوى ( ند فرسان )

[ند فرسان]

المشاركة الأصلية كتبت بواسطة سمو الأمير

أنا هنا بس أسجل أعجاااااابى الشديد

فى القصيده

أشهد أنها جزله


تحياتى لك

أخوى ( ند فرسان )

تسلم اخوي

وهاذا من ذوقك