قصيدة حمد بن ذيب المهان التي تعرضت للسرقه من قبل عضو مجلس الامه و الشاعر طلال السعيد

[ذيب]

السلام عليكم ورحمة الله وبركاته
حبيت اقدم لكم قصيده مشهوره جدا وهي قصيدة الشاعر حمد بن ذيب المهان. المعروف باسم (ملخج)
هذي القصيده قام الشاعر المعروف طلال السعيد بسرقتها وقد تم اكتشافه بالصدفه

تبغون الصدق والله ما الومه اذا سرقها .. قصيده جميله جدا جدا وجزله

ياعين يالـي نومهـا مـا هناهـا=لا زل ثلـث الليـل جاهـا عناهـا
قامت تهل الدمع من جور مـا بهـا=عبايـرا تجـرح خـدودي بماهـا
عبرت رضيع فاقـد تشوفـة امـه=ولا خـلـوج ذابحـيـن جنـاهـا
والا يتيـم فـي ولايـة خـوالـه=روحه بيد مـن لا رحمهـا ولاهـا
والا سجيـن صكـو البـاب دونـه=حال السقف من دون شوفت سماها
وان قلت انا ياعين يكفي تصبـري=ييكفي ترا ما صاب نفسـي كفاهـا
لا تسهريـن المبتلـي يـا حزينـه=خايف على العين العما من بكاهـا
ردت علـي وحيرتـنـي وقـالـت=من طاعتـه عينـه لمنـه نهاهـا
وراي الوم العين مـا الـوم قلبـي=والقلب سبت سهرها مـع شقاهـا
واصبحت انا متحيرن فـي عذابـي=وما لي بشكوى الحال مما وزاهـا
وشكيت همـي للجبـال الرواسـي=ولكن ونين القلـب كسـر صفاهـا
وشكيت همـي للبحـور الغزيـره=ومن ساع سمعت ونتي نش ماهـا
وشكيـت همـي للهبايـب وقفـت=وعجزت تشيل هموم قلبـي معاهـا
وشكيت همـي للفجـوج الوسيعـه=ولكن ونين القلـب ضيـق فضاهـا
وشكيت همـي للنجـوم السـواري=ولكن ونين القلـب غطـا ضياهـا
وشكيـت همـي لليالـي الطويلـه=والصبـح بـان وونتـي مبتداهـا
ورحت اشتكي للشمس من حر مابي=والشمس غابت من خـلاه بخلاهـا
وتساوت الاظـلام والنـور عنـدي=ما عاد اميز صبحها مـن مساهـا
ما لي جدا الا بـس دمعـه وونـه=وابكي بكا اللي حاجته مـا قضاهـا
ابكي من الحرمان واشكي من الجفا=وجـروح روحـي مالقينـا دواهـا
واعظ سني في بهامي مـن النـدم=وتلعب بي الحسره على ما طراهـا
واقنب قنيب الذيب واعول عويلـه=لما تكامـل عبـرت جـا سواهـا
كله سبـب مـن لاعنـي بالمـوده=وقفا واخذ روح ابن ذيـب خذاهـا
عذبني المجمول وحـرق ظمايـري=وحط بحشاي جروح تنزف دماهـا
خمس سنـوات بالدقيقـه نعدهـا=والا لطيف الـروح يمكـن نساهـا
لا واعذابي مشتقـي بـه فـؤادي=والروح من تحت المحنـا سباهـا
خل شريت القـرب منـه بروحـي=عرضت له روحي وهو ما شراهـا
وانا اللي ارخص كل غالي من اجله=والا طلبتـه عـازه مـا عطـاهـا
علـي شحيـح شـح زود نــداده=وزود على كبـد المولـع ضماهـا
والهب على قلبـي بنـار المحبـه=وتسعين عرقـات بكبـدي كواهـا
ويشوف حالي ما يهـون مصيبتـي=حسبي عليه ايش لون نفسه قواها
هذي سبايـب مـن برانـي بـوده=ولا رحـم روح بوصلـه شفـاهـا
وترجمت وناتي بمعنـي قصيدتـي=وارجي عسى يبكي لها من قراهـا
ويقوله اللـي حطـم البيـن قلبـه=يا عين ياللي نومهـا مـا هناهـا

[فارس ال شامر]

لا هنت يا ذيب وصح لسانك ولسان الشاعر
ووالله انها قصيدة(ن) تهووووول ويعطيك العافيه
اخوك / فارس ال شامر

[abdull]

صح لسانك وصح لسان شاعرها
بس عندي ملاحضه على البيت التالي.....(وقفا واخذ روح ابن ذيـب خذاهـا)
البيت اعتقد انه محرف....وهذا واضح من خلال وزنه يعني بالعربي البيت(مكسووور)
واتمنى انه خطأ املائي....وتقبل ملاحضتي ومره اخرى اشكرك على القصيدة الجزله

[لعـــ& جابر&ـــــيون]

السلام عليكم

يا خي ذيب ان كانك صادق واتمنى ذلك والى فانك تتهم اتهام كبير وخطير لشاعر كويتي معروف من بيت معروفين بالشعر وكتابته

وكلنا يعرف من هو طلال السعيد هو شاعر معروف قبل ان يعرف كسياسي


على العموم القصيده جيده


ولاكن اثبت صحت كلامك وادعائك بسرقة طلال السعيد لهذه الابيات



ولك كل الود

[فلاح بن ملبز]

ذيب

صح لسانك ولسان شاعرها

ويعطيك العافية على النقل الرائع

ولاهنت

[عجمية ولي الفخر]

السلام عليكم ورحمة الله وبركاته

أصلا القصيده هذي معروووفه للشاعر ذيب المهان ...

بس طلال السعيد الله يهداه مادري شفيه ...

بس تدرووون والله مو بس هو الدنيا الحين كلها بوق ببوق ... جات عليه هو ...
عموووما تسلم ايدينك اخووووي ذيب وصح لسان قايلها .....

[تايه الغربه]

القصيده معرووفه انها لــ الشاعر حمد بن ذيب المهان .. لا شك في ذالك ..
ولكن الشاعر طلال السعيد .. سبق له ان تطاول على حقوق ادبيه لشاعر كبار مثل محمد ابن احمد السديري وهذا بشهادة ابن السديري على احدى الفضائيات ..!!
يعني مو غريبه على طلال السعيد .. لكن هذا ما يعني ان طلال السعيد شاعر ..

عموما صح الله لسانك اخي ذيب ولسان حمد ابن المهان
وتسلم على تنبيهنا لتلك السرقه الأدبيه ..!



ارق التحاايــا
سلالالالالالام ..!

[м8ąĐїṜ]

ذيــــــــــــب

صح لســـــانك وصـــح لســــان شاعرها

ولاهنـــت على النقل الجميل

[برق الجنوب]

ذيب صح السانك على هذي القصيده والله الا يهينك على النقل الطيب وصح السان شاعرها ابن مهان

[ذيب]

بسم الله الرحمن الرحيم

اشكر جميع الاعضاء على المرور ....

ولا يوجد عندي ما اقوله.. الا بيض الله وجيهكم

الشي الثاني .. اقول للاخ الذي طلب مني ان اثبت صحة ما اقول .... اقول له اسئل الشعب الكويتي او اسئل قبيلة يام .... او اذهب الى مجلة المختلف واسئلها عن الحدث . وستجد مطلبك ..

وعندي نصيحة لك .... حاول تتعلم طريقة الرد على الرجاجيل