زمـانٍ يـجـوع الـذيـب بـه والـثـعـل شـبـعـان

[كميّخ الهاجري]

السلام عليكم ورحمة الله وبركاته ،،




يمكن بعضكم مايعرفني لأني إنقطعت عن المنتدى فتره طويله ،،


يعلم الله إني ما إنقطعت عن هذا المنتدى الراقي والمشاركه مع إخواني الأعضاء ألا لظروف عصيبه ،



وأخيرا وليس آخرا ،،



أضع بين أيديكم هذه المتواضعه عل وعسى أن تشفع عن غيابي ،،



صـــلــّـوا عـلـى الـنـّبـي ،،

أنا شف بالي يالخوي وارد اليابان=أبو تايرٍ من خلف سايقه علاّقي
ولكنّ قل المال والحال ياحكيلان=يخلّي القوي اضعيف يالله الأرزاقي
وأنا قرم وابن قروم يامنسب الشجعان=لو إن الكسر فالسّاق ماقلت ياساقي
أسج الرّجل وأرقا على نايف الضلعان=وإلامن رقيت يلوح لي كل برّاقي
همومٍ تلجّ ابداخلي لجّة الحيران=على حوض ماها عقب شدّات وإرهاقي
أسنّد على الفرجه ولكنّ ماشٍ بان=وأخيل السّراب امن الضما وأرخي أشداقي
أساير ليالي الضّيم وإتحطني نيشان=ولو ذقت ماذقته فلا شانت أخلاقي
ألا يالبروق السّاريه جفّت القيعان=ولاعاد به نبةٍ ليا شفته أشتاقي
ولا أدري السّبايب في الدّهر أو أنا غلطان=أسج الرّجل ماشفت عدّ(ن) به السّاقي
زمانٍ يجوع الذيب به والثعل شبعان=وفي ذمّتي يالوضع ماعاد ينطاقي
أعدّي بقدم رجلي وأسولف مع العربان=وأنا لي ثلاث سنين والحظ مافاقي
تغلط العرب وآردّ بالشّكر والعرفان=وأمرّر غثاها طيب لامرّ بأعماقي
عليك العوض يالله يامحيي العيدان=تموت الخلايق كلها وأنته الباقي

[العـــسر]

صح الله لسانك
أبيات معبره
بانتظار جديدك
وتقبل مروري,,,,

[كميّخ الهاجري]

العسر ،،


صح بدنك ولاهنت على المرور الجميل ،،


أخـــــــــــــــــــــ ( كميّخ الهاجري ) ــــــــــــــــــــــــوك .

[ريف الضعيف]

همومٍ تلجّ ابداخلي لجّة الحيران
على حوض ماها عقب شدّات وإرهاقي
أسنّد على الفرجه ولكنّ ماشٍ بان
وأخيل السّراب امن الضما وأرخي أشداقي
أساير ليالي الضّيم وإتحطني نيشان
ولو ذقت ماذقته فلا شانت أخلاقي




صح الله لسانك يا كميخ الهاجري

قصيده جزله من شاعر متمكن

تقبل تحياتي ومروري

[الطرقا]

المشاركة الأصلية كتبت بواسطة كميّخ الهاجري

وأنا قرم وابن قروم يامنسب الشجعان=لو إن الكسر فالسّاق ماقلت ياساقي
أسج الرّجل وأرقا على نايف الضلعان=وإلامن رقيت يلوح لي كل برّاقي

كفووو


وصح لسانك ولاهنت

[مناحي الصميل]

زمانٍ يجوع الذيب به والثعل شبعان
وفي ذمّتي يالوضع ماعاد ينطاقي




ذكرتني باللي يقول ( الذيب جايع , وشبعانه حصانيها )


أبو راشد


صح الله لسانك


جزل ومبدع


ورأيي تعرفه من مبطي


تقبل مروري

[بنت الوطن]

تغلط العرب وآردّ بالشّكر والعرفان
وأمرّر غثاها طيب لامرّ بأعماقي
عليك العوض يالله يامحيي العيدان
تموت الخلايق كلها وأنته الباقي


صح لساانك يالهاجري .. وافي و جزل

[كميّخ الهاجري]

العود الأزرق ،


صح الله بدنك وما الجزل ألا راسك يالسنافي ،


لاهنت على المرور الجميل والإطراء الأجمل ،



تـحيّاتـي .



أخـــــــــــــــــــــــ ( كميّخ الهاجري ) ـــــــــــــــــــــوك ،

[كميّخ الهاجري]

الطرقـا ،



كفوتس الطيب ،


ولا أنتي ،، ولاهنتي على المرور الجميل ،




أخــــــــــــــــــــــــ ( كميّخ الهاجري ) ـــــــــــــــــــــــــوتس ،

[كميّخ الهاجري]

الطرقـا ،



كفوتس الطيب ،


ولا أنتي ،، ولاهنتي على المرور الجميل ،




أخــــــــــــــــــــــــ ( كميّخ الهاجري ) ـــــــــــــــــــــــــوتس ،