ياتاج كسرى وانت ياعرش بلقيـس=كرامتـي ماساومتـهـا جيـوبـي\ ضيدان

فهد بن مطلق · #1 06-11-2007, 09:50 PM

اخواني واخواتي اعضاء وزوار منتدى العجمان الكرام\السلام عليكم ورحمة الله وبركاته

اقدم لكم هذه الرائعه من روائع الشاعر : القدير والمعروف ضيدان بن قضعان العجمي فهو معروف

احد عمالقة الشعر ولن اعرف به فهو غني عن التعريف فهوشاعر لايشق له غبار وشاعر فحل وله نكهة تميزه عن جميع الشعراء

وقد اعجبتني هذه القصيده وحبيت ان اقدمها لكم عسا ان تنال اعجابكم

يانـود هبـي بالهبايـب نسانيـس= ويانحلة الاشعـار بالشهـد ذوبـي
يوم القصايـد نابيـات ومراميـس= قصيدنا عنـد الاصيـل محسوبـي
بيض الحبـارى مايفـرخ قرانيـس =اسمع كلامي وارفع العين صوبـي
والنـور ياشحـه بليـل الحناديـس=الله ولا وبـاب ٍ يــزود ذنـوبـي
مره يجي في ثوب وحش البحر نيس =ومره يجي مثل الهـوى والهبوبـي
وضاع النقاء بين اختلاف المقاييـس =وساق القدر الايـام تقفـل دروبـي
ياتاج كسرى وانت ياعرش بلقيـس =كرامتـي ماساومتـهـا جيـوبـي
اعف نفسي واسبر الدرب واقيـس =واحاول اصحح خطـاي وعيوبـي
ايوالله اني من بدو (..درّهم..) عيس =داري جنوب النجـم وانـا جنوبـي
من لابةٍ تظهـر نهـار المقابيـس =الجد يامـي درع يضفـي جنوبـي
لامن ضرب قرن الشياطين ببليـس =مثل الرعد فزعاتهم فـي القلوبـي
كسابـة العليـا كبـار النواميـس =لطامـة العايـل دهـاة الحروبـي
وانا احمد الله ماخذتني الهواجيـس =واثق ولاهميـت مـن عذربوبـي
واللي على درب المراجل مفاليـس =من بعد هذي قلـت يانفـس توبـي
صفوا الصفوف ومقدم المرجفة هيس =وانا لحالي واركـز احيـان ثوبـي
وان زاد جمع الدنفسـة بالدنافيـس =يبطـون والله بالغـدر ماغـدوبـي
ماعيش عيشة ليل خلف الكواليـس =يدرون بـي ولا عسـى مادروبـي

صح الله لسان الشاعر الكبيرضيدان فما هي غريبه عليه ان ينتقي الكلمات المميزه والراقيه فمن يعرف ضيدان وشعره فكل قصائده جميله وذات معنا

لكم مني ارق التحايا واصدقها \الـــعـــود