==يابنت انا من لابتن ماتلينا ==نص جديد لاخوكم الفقير لله - متيه العشرا

[ابو راكان *]

نص جديد اتمنى ان يرضي ذائقتكم الشعريه

يازين من هو فى هواه ابتلينــــــــــــــــا = ابو عيونن ماخلق مثلها زيــــــــــن

عينن يسار وعينن اخرا يمينــــــــــا =مثل البشر لاكن معى بدع تكويــــــن

لبى عيونه والهدب والجبينـــــــــــــا = فديت زوله بين كل المزاييـــــــــــن

طيفه يزاور خاطري من سنينــــــــا = واليا نظرته شوفته تكحل العيـــــــن

غنج ودلع واليا مشى بالهوينـــــــا = زهره يلاعبها الهوا بالبساتيــــــــــن

بين الشفايا معجم العاشقينـــــــــــا = وابدع كتابات الغزل في الدواويــــــن

لاقبلت رحب مرحبا وسهلينــــــــــا = عد الحنين اللي كنيته من سنيـــــــــن

الشمس وين اشراقها اليوم وينــا = من شرق والا في نحور المصليـــــــن

ولاقفيت يهمس لي بصوتن رزينا = وين انت رايح وين بدري على ويــــــن

الارض جردا والنوا مايبينـــــــــا = والقلب قفرن والنوايا بلاديــــــــــــــــــن

ياكثر منهم في الهوا طامعينــــــا = متكاملين الوصف مافيهم الشيــــــــــــن

قلت الله اكبر يالزمان المهينـــــا = ماعادني من بين الاقراب الادنيـــــــــــن

ولاعاد لي قدرن وعذري سمينـا = باسج رجلي واطلب الله قضا الديــــــــــن

يابنت انا وادعت من لايبينــــــــا = عفت الهوا واهل الهوا والمحبيــــــــــن

يابنت انا شيدت حصنن حصينــا = بين الضلوع وبين مجرى الشراييــــــــــن

يابنت انا ماني من الخاملينـــــا = راسي عزيز ومن رجالن عزيزيـــــــــــــن

يابنت انا من لابتن ماتلينــــــــا = نثارة الدم الحمر في المياديــــــــــــــــــــــن

عجمان والعجمان ياجاهلينـــا = ترد المنايا ماتهاب المعاديـــــــــــــــــــــــــن

حريبنا لامنه دبر غبينــــــــــــا = من وقعنا قد ذاق مر العذابيـــــــــــــــــــــــن

ماحنا صحابه لا ولا مرسلينا = حنا تراث شيوخ وابنا سلاطيــــــــــــــــــــــن

متوارثين الطيب دنيا ودينــــا = ربعي هل الطولات بالعسر والليــــــــــــــــــن

عجمان من بين العرب نافلينا= ياسعد عين اللي عنا للعجاميـــــــــــــــــــــــن

ندرا خواطر ساكنين القطينـــا = على الظفر والعز والمجد ضاريـــــــــــــــــن

واليوم روح الله لايبتلينــــــــا = والله يجازي من جفانا مجافيــــــــــــــــــــــن




وسلامتكم

[عـزام]

متيه العشرا

اسمح لى طال عمرك على تنسيق القصيده


وصح السانك واعتلا شانك

ودام ابداعك

[حلا الهواجر]

صح لسانج ميته العشرا ولاهنتي درر درر فديتج وفديت مشاعرج الداافيه ياغلاي .... اخوي عزام اشدعوه ناس وناس اتنسق قصيدتها وقصيدتي ماتنسقها افاااا ياذا العلم ......؟


اخييييتكم الصغيره / حلاالهواااجر

[@الشيــــــــــــنه@]

ماحنـا صحابـه لا ولا مرسليـنـا .. حنا تراث شيوخ وابنـا سلاطيـن

صـح لسـانك متـيه العشـرا ..


وبأنتظار المزيد

[مهرة الصمان]

كفوا بالعجمان وصح لسانك على الابيات اللي كلها فخر


لك تحياااااااااااتي

[ابو راكان *]

صح بدنك ياعزام

ولاهنت على التنسيق والترتيب

واشكرك على المرور

[ابو راكان *]

اختي حلا الهواجر

صح بدنش

اشكرش على المرور

واشكرش على الاطراء الطيب

وللعلم

متيه العشرا

مذكر مو مؤنث

معى تحيات

اخيش

متيه العشرا

[ابو راكان *]

صح بدنش يالشينه

ولاهنتي على المرور

وعلى الاطراء الطيب

[ابو راكان *]

مهرة الصمان

ما عليش زود

[عـ100ـج]

اسمحلي اخ متيه العشرا هذي القصيده يجب ان تتزين بالحلي لما فيها من جواهر ثمينه

يازين من هو فـى هـواه ابتلينـا **ابو عيونن ماخلـق مثلهـا زيـن

عينن يسار وعينـن اخـرا يمينـا **مثل البشر لاكن معى بـدع تكويـن

لبـى عيونـه والهـدب والجبينـا **فديت زولـه بيـن كـل المزاييـن

طيفه يزاور خاطـري مـن سنينـا **واليا نظرته شوفته تكحـل العيـن

غنج ودلع واليـا مشـى بالهوينـا **زهره يلاعبهـا الهـوا بالبساتيـن

بيـن الشفايـا معجـم العاشقيـنـا **وابدع كتابات الغزل في الدواويـن

لاقبلـت رحـب مرحبـا وسهلينـا **عد الحنين اللي كنيته مـن سنيـن

الشمس وين اشراقها اليـوم وينـا **من شرق والا في نحور المصليـن

ولاقفيت يهمس لي بصوتن رزينـا **وين انت رايح وين بدري على وين

الارض جـردا والـنـوا مايبيـنـا **والقلـب قفـرن والنوايـا بلاديـن

ياكثر منهـم فـي الهـوا طامعينـا **متكاملين الوصف مافيهـم الشيـن

قلـت الله اكبـر يالزمـان المهينـا **ماعادني من بين الاقراب الادنيـن

ولاعاد لي قدرن وعـذري سمينـا **باسج رجلي واطلب الله قضا الديـن

يابنت انـا وادعـت مـن لايبينـا **عفت الهوا واهل الهوا والمحبيـن

يابنت انا شيدت حصنـن حصينـا **بين الضلوع وبين مجرى الشرايين

يابنت انـا مانـي مـن الخاملينـا **راسي عزيز ومن رجالن عزيزيـن

يابنـت انـا مـن لابتـن ماتلينـا **نثارة الـدم الحمـر فـي المياديـن

عجمـان والعجـمـان ياجاهليـنـا **تـرد المنايـا ماتهـاب المعاديـن

حريبنـا لامـنـه دبــر غبيـنـا **من وقعنا قـد ذاق مـر العذابيـن

ماحنـا صحابـه لا ولا مرسليـنـا **حنا تراث شيوخ وابنـا سلاطيـن

متوارثيـن الطيـب دنيـا وديـنـا **ربعي هل الطولات بالعسر والليـن

عجمان من بيـن العـرب نافلينـا **ياسعد عين اللـي عنـا للعجاميـن

نـدرا خواطـر ساكنيـن القطينـا **على الظفر والعز والمجد ضاريـن

والـيــوم روح الله لايبتلـيـنـا **والله يجازي مـن جفانـا مجافيـن

وسلامتكم


قصيده رائعه من شخص اروع واتمنى ان تسجلني من متابعينك