نزف السنين

[مشل الدويش]

السلام عليكم ورحمة الله وبركاته

كل عام وانتم بخير

عندما تسرق السنين اجمل لحظات العمر

اليكم هذه المتواضعه

النزف في عيني من العام نزفيـن=نزف السنين ونزف باقي حياتـي
القلـب ماينبـض بليـا شراييـن=والعين ما ترقد لا صارت تحاتـي
لا جيت ابفرح وين انا والفرح وين=ردت علي همومـي الماضياتـي
هواجس ٍ من قبل عمر الثلاثيـن=بس الرجـا بأيامـي المقبلاتـي
صارت هموم الوقت لي العناويـن=وارخصت حتى ببسـط الامنياتـي
قامت اتحز القلب مثل السكاكيـن=والله يعين اللي سواتـه سواتـي
لا صار همه ينقله داخـل العيـن=وفي بسمته كل ٍ يشوف المماتـي
مدام حزن القلب في قاب قوسيـن=وشلون ابفرح في بقايـا حياتـي