سوق الفحيحيل ياسوقٍ جلب عله..

[موج الأحزان]

صبحكم الله بالخير..
حياكم الله معي في سوق الفحيحيل

توكلنا على الله

سوق الفحيحيل ياسوقٍ جلب عله**في ضامري من هنوفٍ تجمع الزيني


بعيون وردوف وجسمٍ هاضمه كله**مدري شوصف من اللي شافته عيني


دايم أغض النظر من شي بالمله**لكن خذلني النظر من غره في حيني


شفت الخطر جا في عينه يرمي بجله**يومه رمقني بعينه وأرعده فيني


قمت أتعوذ وأغير فكري وأشله**من وسط راسي وأعجل مشية الليني


مدري وش العلم أشوفه ينظر بذله**كنه يبيني ولا أدري قصده إلويني


غمضت عيني وسقت الرجل والحله**ودي أفارق مكانٍ قام يدنيني


في وسط شيٍ غريبٍ مانيب أدله**ولا عجبني تركته قدلي اسنيني


ومن غير مشعر رجعت وكانت الزله**من نفسي اللي بصرها قام يعميني


تسوق جسمي بقوه وسطها غله**صوب الذي ماعرف لي من عناويني


وأصبحت كني غريمٍ خاف من ظله**وده تجي له بفرجه ساعة الحيني


قام ايتمايل بغصنٍ كن به سله**في وسطها من ورود أحلى البساتيني


أشر بعينه وكنه قال لي يالله**حياك جنبي ياليتك لو تماشيني


وقفت أفكر وراسي صابته خله**من شي شفته وأحسه قام يغويني


حلفت ياذالحبل والله لافله**وأقتل معاني فقيره ماتقويني


فزيت من نوم وقولة جلعك الصله**أثره أبويا يقومني لجل ديني


أكلت حبة وجع راسي من الطله**في حلمي اللي خذاني فاله الشيني


شبيت نار المجالس فوقها دله**يطرب لها كيف منهم جاو مسيريني


تمت وصلوا عدد ما بالهوا شله**على نبيٍ رسولٍ للثقليني

وسلامتكم

[مسفر بن حمران]

اخوي موج الاحزان صح لسانك ولاهنت يالقرم

تحياتي لك : مسفر بن حمران

[bomeshal12]

موج الاحزان
لاهنت وبيض الله وجهك وصح لسان الشاعر
وتقب تحياتى

[محمد المجول]

موج الأحزن

صح الله لسانك طال عمرك

كاالعاده قصيده جزله مثل ماعودتنا

وأسفين على الخطأالمطبعي

تقبل تحياتي

[جطلي بن فهد]

صح لسانك على الجزله