ابن الذيب وقنبلة من النوع الثقيل

[ajmit]

وصلتني قصيدة من احد الزملاء وهي رد من النوع الثقيل على من اتهم الشاعر الكبيرمحمد ابن الذيب بحضوره لاحد الأمسيات وهو مخمور..
مانيب متكبر ولانيب مغرور
لاكن أنا انسان كله كرامة
ياللي اتهامك كذب من غير مشكور
جرحتني ياصاحبي والسلامة
ومن غير ماألف وألعب وادور
ردت فعل من نوى بانتقامه
بحق الجليل منزل الكهف والطور
لأسوقها والرأس كله قرامة
ومادامني لا قلتها دوري تدور
الشعر بأسمي كنه يكرب حزامه
اطلق شنب عندي مكبل ومدحور
وأكبر بعير يهيج بقطع سنامة
خذها كذا مني من غير عفوآ ودستور
وثق كلامي لين يوم القيامة
ماني بحاضر باأمسية شبه مخمور
مثل امسيات شفتها بالمنامه
لأنني من حزب كيف أنت ماجور
ماهوب حزب الدايري والثمامة
حرابنا وقت اللقا دوم مدحور
كم شيخ قوم(ن) طاح راسه أمامة
أحفاد ابوطالب على العهد والشور
وحزام ابوساق وذخاير حزامة
وعزوه لأبن حثلين أبوسيف مخبور
وعصابة المري على كل قامة
يعني قبائل يام ياثور ابن ثور
أهل الوفا والطيب واهل الزعامة
ولا انت حزبك حزب هايات بنجور
اللي ولدهم في المواجر هلامة
قد قلت أنا من حزب كيف انت ماجور
مهوب حزب الدايري والثمامة

تحياتي للجميع

[/align]

[الريانة]

ajmit

شكرا على القصيده الرائعه وصح السان شاعرها لكن انا بسأل القصيده للكينج ولا ان شخص راد عليهم على انه محمد الذيب؟؟؟؟؟؟؟؟؟
اعذرني بس ما فهمت؟؟؟؟؟؟؟؟؟؟

[قبلة الكويت]

تسلم

[الــحـشـاشـــه]

خذها كذا مني من غير عفوآ ودستور
وثق كلامي لين يوم القيامة
ماني بحاضر باأمسية شبه مخمور
مثل امسيات شفتها بالمنامه
لأنني من حزب كيف أنت ماجور
ماهوب حزب الدايري والثمامة

قووووويه .. ايه والله قنبله
صح الله لسانه

لاهنت اخوي على النقل الطيب والاختيار الرائع والمميز ..!

تــقــبل تــحياتي

[مناحي الصميل]

صح الله لسان الكنق


ولا هنت على نقلها لنا

وكل من يتجرأ على الكنق يلاقي الرد سريعا لله درّه


شكرا لك

[bird of shalwa]

ajmit

لاهنت على النقل ..

بس القصيده للشاعر / محمد أبن سالم اليامي

وننتظر جديدك ..

[عـزام]

ajmit

لا هنت على النقل

القصيده قديمه وهى للشاعر سالم محمد اليامى وسبق ان نشرها هنا فى منتدى العجمان

و ليست للشاعر محمد بن الذيب ولا تمت له بصله من ناحية موضوعها

ولك كل الود

[ajmit]

اشكرك الجميع على المرور واعتذر اذا القصيدة ليست لابن الذيب ولكنني ذكرت انها وصلتني من احد الزملاء وينسبها لشاعر ابن الذيب ولاول مرة اسمعها واشكر الاخوان على التوضيح
تحياتي واعتذاري للجميع

[ال محفوظ العجمي]

صح لسان اليامي


وانا اشهد انها في الصميم


دمتم بخير

[النازيه]

مانيب متكبر ولانيب مغرور
لاكن أنا انسان كله كرامة

الله الله
صح لسان قايلها
وصح قلبك اخوي
تسلم يمينك على هالطرح الجميل
الله يوفقك وننتظر جديدك
تقبل مروري
آختك .. النازيه