مشاركة حلوه بنظري أنا وانتم كيفكم

[هاوي عذابي]

مراحب
انا عضوة جديدة وحبيت تكون اول مشاركة لي في المنتدى قصيد ةمن عندي وابي رايكم لاني من زمان مو كاتبة قصيد يعني مثل مايقولون موهبه مندثره هاهاهاهاااي والله يعينكم علي

وابي بعد تقولولي هذا نثر او شعر؟ بس ابي راي مختص بعلوم القصييييييد مو اي كلام


يطول ليلي وأنا مخاوي الهواجيس .......والفكر يضيق ويتسع بالظنوني
يمرالوقت ماغير أنا وطيفك جواليس......أعاتبك وترد لي الصوت بالمزوحي
ياصحبي مالقيت غير حبك ونيس ........ ينور بعلوم حبه سواد يومي
أسموحة يوم طلبت بعدك يا شموس...... يالي على بعدك ماهتنيت بنومي
ووعدك أني ببعد ظنوني وبخزي أبليس....ألي على طاري الفرقا رماني

[محمدالعمار]

تحملين افكار حلوه لكن اختلاف الوزن والبحور مشكله انشالله ا تخطينها.

حاولي تلحنين وشوفي وين الخطأ وعدليه.

[هاوي عذابي]

علمنيييييييييييييييييييي
والله ماعرف نخيتك مانخيت رخمه
انصحني بكتاب أتثقف منه
ومشكور على ردك علي

[مناحي الصميل]

نبذه بسيطه عن البحور ووزنها ( ألحانها )

الشعر لابد ان تتوفر فيه الشروط :

1 / الوزن
2 / المعنى
3 / القافيه

واذا لم تتوافى احد هذه الشروط تكون القصيده في خبر كان



وانتى أخلّيتي بالقافيه والوزن

يعني الحين قصيدتش قافيتها الأولى ( ــيس ) والشطر الثاني ( ــوني )

ولازم القصيده كامله تمشي على هذي القافيه
انتي غيرتي خليتيها ( ــوس ) وخليتيها ( ــوحي )


اما الوزن

بحر المسحوب :
لحنه المشهور اغنية خالد عبدالرحمن ( وش تنتظر يامحرق القلب )

بحر الهجيني :
لحنه المشهور اغنية ( الكنّه ) او ( وصيت قلبي )

بحر الحُدا :
لحنه المشهور اغنية خالد عبدالرحمن ( الرديّه ) الجديده !!

بحر الهلالي :
لحنه المشهور اغنية ( ياطارشي ) لـ عيضه المنهالي

بحر الصخري : ويسمونه ( طرق الزير سالم )
لحنه المشهور الجرّه ( قصيدة الا يالله ياعالم بحالي )

وهناك بحور كثيره ولكن هذي المشهوره والمتداوله كثيرا

ملاحظه :
الألحان اللي انا كتبتها هذي كي تسهّل عليش المهمّه فقط

وكل بحر له الحان كثيررره

وأي خدمه حاظرين