سمعت هذه القصة والقصيدة من صاحبها عندما كان يقولها لوالدي ، وهو الشاعر محمد بن صبحان من آل لزيز آل معيض وهو شاعر معروف على مستوى القبيلة . والقصة بإختصار أن هناك شخص يدعى (رشيد) وهو من شمال المملكه -لا أذكر بالتحديد من أين هو- كان يعمل مع أبن صبحان في نفس العمل و بعد أن تعارفا على بعض دار بينهما الحوار التالي :
رشيد : من أي القبائل أنت يا ابن صبحان
أبن صبحان : أنا من قبيلة العجمان .
رشيد : هل تصدق يا أبن صبحان أنني لم أكن أعرف أو أسمع عن قبيلتكم أي شئ !!! لولا أنني عملت في الكويت وتعرفت على بعض أفرادها فوجدتهم طيبين وكرماء ولهم سمعة طيبة !!
أبن صبحان : قبيلتي معروفة ومشهورة قبل أن تولد !!! وليس قبل أن تأتي للكويت ... ولكنني لن أرد عليك إلا بقصيدة لعلها تظهر قلبك الغاطس (على حد تعبيره) !!
وفعلاً رد أبن صبحان بقصيدة قاسيه ورائعة في نفس الوقت !! حيث يقول
رشيد ينشد ما عرف ويش حنا=لأنه قليل الربح ما فيه فودي
حنا هل الطولات أن سلت عنا=حنا العرب ومعربين الجدودي
عجمان ما أحد في الجزيرة جهلنا=من صلب يام موسعين الحدودي
يشهد لنا التاريخ في مافعلنا=يشهد لنا وأبطال نجدٍ شهودي
حريبنا من همنا ما تهنا=سهران يوم أن الخلايق رقودي
وخصيمنا من ضربنا يستجنا=ويصير من عقب الشجاعة شرودي
وبيوتنا فوق الرفايع تبنا=ويلجا بها اللي له زمانه ظهودي
والجار يلقى دايم العز منا=يحشم ونجمه دايم في صعودي
والضيف يلقا عندنا ما تمنا=ويمسى عليه من الليالي سعودي
ويروح يذكر ما لقى من قبلنا=الا إذا أنه للجمايل جحودي
راكان أبن حثلين خيالهنا=اللي قرينه باللقاء ما يكودي
شيخٍ شجاع قايد مايكنا=وزيزوم يام قالها له حمودي
ومحمد المعروف سحمان منا=سيفٍ على روس العدا ما يحودي
ومنا صماد الخيل زبن المجنا=منصور اللي لسبايا يذودي
شيخٍ وضع سلم القبيله وسنا=أبن منيخر كان في العلم فودي
وحزام أبن مانع وفاران منا=أهل أرماح وكسرتٍ بالنفودي
خمسين رمحٍ كل منها تثنا=اللي بصدر الشيخ والا العضودي
وضيدان أبن حثلين بهاج منا=عوق الخصيم ومعشي الضيف قودي
ومصواط بقعا مرهق أعداه منا=خميس اللي لـ السرايا يقودي
وفلاح أبن راكان لا شوّشنا=خيل وراء خيلٍ وراهن حشودي
وبطي أن منصور يا رشيد منا=زبن الشقيق اللي نصنه أورودي
يثني ورى غوجٍ ثبوردنا=وشيخٍ بكسب الطايلات محمودي
وناصر أبن سرحان يا رشيد منا=ترعى به الحجبا بليا قيودي
والدامر المشهور يا رشيد منا=شيخٍ مغازيّه تعدى الحدودي
صملان من عزوته يبسنا=من بعد مرواسه زعيم الفهودي
وحصان الصرايم مانع الخيل منا=الشيخ أبن جمعه حوى كل جودي
حراً كفوفه بالهدد يلحمنا=لاجا نهار فيه مثل الرعودي
وأبن دبلان الصريمي ذاك منا=ليث يحلل مبرمات العقودي
وليل المتلقم بحر الأمواج منا=بياح سد مبيحين السدودي
والشيخ أبن مكراد زيزومهنا=موّرد الهياب يوم الوعودي
وأبن حسن هيف الطوابير منا=أبن حجرف لاطار عقل الربودي
وأبن عصيدان يا رشيد منا=مزبن المجرم قوي الزنودي
وسعد ابن سعدى يا رشيد منا=ستر العذارى ناقضات الجعودي
حمايهن يا رشيد لا دبرنا=ودرع يفك الجاذيه واللكودي
وأبن وذين طيب الفعل منا=اللي جعل زين المراكب وقودي
ومنا عنان القحص يوم اللتقنا=ابن الفريني كاسبٍ كل زودي
ومنا الطويل اللي حصانه يعنا=اللي أختلط حمر المنايا وسودي
وجريس أبن جلبان حواشهنا=لاجات خيل القوم مثل الرجودي
وسالم بن رميحين يا رشيد منا=حرز الحدور من الطمور العنودي
ويا رشيد خذ أفعال من كان منا=وأنا ترى يا رشيد ما أحصي العدودي
وكل القبايل للفخر يكسبنا=والطيب بين الاجواد ما له حدودي
وتم الجواب اللي لقاقه وزنا=وصلاة ربي عد ماهب نودي
على رسول الحق ما غردنا=ومالعلع القمري على راس عودي
(اللهم صلي وسلم عليه)
هناك بعض الفرسان والشيوخ والذي ذكرهم الشاعر في القصيدة أعرف بعضم والبعض الأخر أجهله بصراحه... وذلك لأن الشاعر لم يحدد أسم الفارس أو الشيخ .. مثلاً قوله (أبن عصيدان) أو (أبن مكراد) وغيرهم ... أعلم أن هذه الأسرتين أو غيرها شيوخ معروفين ولكن الشاعر لم يحدد أسم الشخص المقصود من هذه الأسر ... وهذا ما أرجو توضيحه من الأخوان والأخوات اللي عندهم علم عن المذكورين في هالقصيده حتى تكون الفائدة للجميع ...
وسأذكر الفرسان والشيوخ حسب معرفتي المتواضعه والذين ذكروا في القصيدة للتوضيح لا أكثر ..
1) راكان بن فلاح بن حثلين
2) محمد بن سحمان بن حثلين
3) منصور بن منيخر
4) حزام بن مانع بن حثلين
5) فاران بن حثلين
6) ضيدان بن خالد بن حثلين (والذي غدر في العيينه)
7) خميس بن بطي بن منيخر
8) فلاح بن راكان بن فلاح بن حثلين
9) بطي بن منصور بن منيخر
10) ناصر بن سرحان بن منيخر
11) فهد الدامر (بعيد المغزى)
12) مانع بن جمعه
13) ليل المتلقم
أعتذر عن الإطاله وأرجو أن ينال ما سبق أعجابكم
أخوكم
قرقاص
04-07-2005, 01:25 AM
العرض العادي
