هذه الابيات للشاعر الاميرمحمدبن احمد السديري
واعذروني اذا طوفت بيت من القصيده لأني مانيب حافظها زين العذر والسموحه
يقول من عدى على راس عالي= رجم طويل يذهله كل قرناس
في راس مرجوم عسير المنالي= تلعبه الارياح مع كل نسناس
في مهمه قفرمن الناس خالي= يشتاق له من حس بالقلب هوجاس
قعدت في راسه وحيد لحالي= والقلب في لجات الافكار غطاس
اخذت اعد ايامها والليالي= دنيا تقلب ماعرفنا لها قياس
دنيا تفرق مابين غالي وغالي= لوشفت منها ربح ترجع للفلاس
ياما هفابه من رجال مدالي= ماكنهم ركبوعلى قب الافراس
ولاقلطوهن للكمين الموالي= ولاثارعج الخيل في كل مرواس
ولارددو صم الرمك للتوالي= ولاصارفوق اظهورهن قطف الانفاس
في حومت الهيجاء لهن اجتوالي= كل يبي من زايد الفعل نوماس
من بينهم سمرالقناء والسلالي= مثل البروق برايح الليل الادماس
ويبجاد شب النار ودن الدلالي= واحمس لنا يابجاد مايقعد الراس
قم سو فنجال على كيف بالي= روابع تاخذ بها اخماس واسداس
حملي ثقيل وشلت حملي لحالي= واصبرعلى ضيم الليالي والاتعاس
واصبركما تصبررواسي الجبالي= ولاينهزع حيد عليه القدم داس
لياخاب ظني في الرفيق الموالي= مالي مشاريه على باقي الناس
لعل قصر مايجيله ظلالي= ينهد من عالي مبانيه للساس
بحسناك يا منشي حقوق الخيالي= ياخالق اجناس ويا مفني اجناس
مافيه غيرالبوم تسمع يلالي= جزاك ياقصر الخناء وكر الادناس
ومتى تربع دارنا والمفالي= تخضرفياض عقب ماهيب يباس
وتشوف فيها الديدحان متوالي= مثل الرعاف بخصرمدقوق الالعاس
ينشر على البيداء سوات الزوالي= يصبغ حماره صبغة الصبغ بالكاس
وتكبر ادفوف معبسات الشمالي= يبني عليها بالشحم بني الاطعاس
وسلامتكم
03-06-2004, 08:12 AM
العرض العادي
