ساقتني القدره ومريت لي بيت ... ؟ ابن شحيمان

[(هاوي قصيد)]

قصيده لشاعر الكبير \ مبارك بن شحيمان ال فهيد الهاجري
وهي في رثاء الامير \ ماضي بن علي ال عايد الهاجري ,,, رحمه الله واسكنه فسيح جناته

ساقتني القدره ومريت لي بيت = بيتٍ عقب راعيه ولا ربيعه

لا شفت انا المبنا عقب طيب الصيت = ضاقت على قلبي افجوج الوسيعه

ياطول مادقيت صدري وونيت = قومي خسارتنا وكبر الفجيعه

فلوا كان صوت الحي يفطن له الميت = ان كان صوبه قمت قومه سريعه

حكيت له مما وطاني ولاقيت = واعلمته بنارٍ ابكبدي وليعه

لا شك ماتنفع عرابيد ياليت = بدرٍ سرى ماعاد لشيخ زيعه

كم اعتق ارقابٍ عليها تثابيت = لا صابهم تنفيذ حكم الشريعه

ولا لاذ به من داوروه الشماميت = ماتنفذ احكامه وماضي شفيعه

ولا قام فالدعوى تهاب الطواغيت = منه ولا يرضى لنفسه هزيعه

ويشل حمل مايشله جبل هيت = ولا شالته اهل النفوس الدنيعه

عقبه اخوانه في قمرهم تقديت = كنهم قمر خمسة عشر في لميعه

وردت ظميانٍ على الشط واسقيت = ماسقت طرشي للمشاش ورجيعه

ومن حد شرق الهند ليونس استيت = لهم الجميل وحن علينا نذيعه

وسلامتكم

[عيد بن شدقان]

الله يرحمه ويسكنه الجنه



وصح السان الشاعر/مبارك بن شحيمان



ولاهنت يالهاجري


اختيار رائع


الله يعطيك الف عافيه

[(هاوي قصيد)]

عيد ابن شدقان ,,,
مرحبا والله ومسهلا , والله يجزاك خير
وصح الله بدنك ولانت طال عمرك
الاروع مرورك يالشيخ

[سلطااان العتيبى]

الهاجري صح لسانك ولسانه ولاهنت على النقل الرائع











وتقبل مروري

[حضريه عمها بدوي]

مبارك بن شحيمان صح الله لسانه وين مالقى وجهه


وعسى ربي يطول بعمره

ليت من يوثق قصايده الجميله النادره لعلمي انه كثير التنقل ما بين السعوديه والدوحه واي وقت يقدر يقصد وفي اي مناسبه ماشاءالله عيه

عسى ربي يحفظه ويطول بعمره


سلمت يالهاجري لا خلا ولا عدم

[الجامحه!]

الله يــرحمــه ..!

:
:

وصــح ـح نقــلكـ و لســان الشــاعر ...مبارك ابن شحيمان

:
:

لاهنــتـ

[@بنت الشيوخ@]

صح الله لساانك يلهااجري.....