السلام عليكم 
قصيده اعجبتني وان شاء الله تنال اعجابكم
اذا ضاقت بك سنينك وصارت دنيتك أحزان =تذكر ربـّك الخالق وقل يا ربي الخيره
وهو سبحانه المعطي تعالى ربي الرحمـــن =رحيم بخلقه ويكشف على قلوب البشر خيره
وداعا ً يا زمان الذل والتخويف والنكران =وداعا ً يازمان الخوف والطعنات والحيــره
أنا لو قلت ابي أعشـق تراني ياعرب غلطان =لأن بداخلي مـعـدن اصيل وحان تغييـره
لأن العشـق في حالة تجـرّد واختلال ازمان =وذاك العاشق الصادق تعب واختـلّ تعبيـره
تعبت من القصايد والتعابير وحروف الجان =وانا في داخل حروفي قصيد احتاج تفسيره
تعبت اكتب عن الماضي وانا في حاضري إنسان =له اسمى واجمل حروفي وله قلبي وتقديره
له الماضي له الحاضر وانا لـه بالوله سلطان =اجل وشلون ماني له وهو لاحت تباشيـره
لفاني بعد ماصرت لغرامه طالب وشفقان =وحلفني أبد ما تطلع ابياتي لأحد غيـره
وانا عند آخر وعودي وهذي آخر القيفـان =ابي انسى القصـيـد وما يجي من شرّه وخيره
ولكن لي طلب عنـده إذا ثارت بي الأشجان =أبي يسمح لدمعات القصـيـد تخلـّـد السيــره
نبي نخلـّد محبتنا ونصير اعجوبة الأزمـان =ونكـتب كل يوم ابيات بالعشق وتصاويره
نبي نرسم غلا صادق مثل وضحى وابن عدوان=ويكتب نايف حروفـك على دنياك تحذيره
أحبك يا ملك روحي أحبك يااجمل الأوطان =دعيت الله يدوم الحب وتلوّح غناديـــره
ويلفي ضيفنا الثالث أمير وأشجع الشجعان =ويبدا كوكب حروفـي عليك يزود تدويره
أختكم
ريــــــــــانه العــــــــود
25-10-2007, 05:05 AM
نبي نرسم غلا صادق مثل وضحى وابن عدوان .... ويكتب نايف حروفـك على دنياك تحذيره
العرض العادي
