منقوض يا عهد (نادرة شعرية)

[الشلاقي عز]

بسم الله الرحمن الرحيم و الصلاة والسلام على رسول الله
السلام عليكم و رحمة الله و بركـاته

ألاخوان أعضاء منتديات العجمان الكرام و متذوقي الشعر النبطي الاصيل
أهديـــكم هـذه القصيـدة التى تعتبر من النوادر الشعريــة وقـد أشاد بها
معـظم النقـاد و أعتبروها بأنها قصيدة لن تتكرر أبـدا
لما فيـها من حـكمة و تصـوير أبداعي كبير جدا

منقوض ياعهدً علـى الغـش منقـوض=يرفـض كيـان الشمـري يحتفـظ بـه
عهـد الغلـط مستنكرينـه ومـرفـوض=حبله فـلا لـي بـه مماسـك وقضبـه
ومقضوض يابيتاً بلا سـاس مقضـوض=لو هو شمخ وسـط البلـد تقـل هضبـه
لو زخرفة راعيـه مـا هـو بحظـوظ=ياسـرع يومـاً مقبـلاً ينتقـض بــه
قلتـه ولـي فيهـا معانـي وملـحـوظ=يفهم به الـي جـور وقتـة نفـض بـه
تعرف معانيهـا بـلا شـرح معـروض=يدري بها الي شين حظـه ربـض بـه
صداقةً تبنـى علـى مخضـر الـروض=تقضي ليـا لفـح السمـوم انتفـض بـه
ياصـار لا زبـدة ولا فيـه ممخـوض=لازم تشوف عيون الاصحـاب غضبـه
لو ان برق الحاتمـي فيـك لـه نـوض=ولو فيك من عنتر ضحى الكون حضبـه
اعرف تراك بهرجهـم منـت منهـوض=لـو مافعلـت السالفـه تبتهـض بــه
الصدق مايجرح لكن يجـرح الخـوض=من قول زي القال وجـاك يعـرض بـه
عاروض يابعض الرجاجيـل عـاروض=كـم هرجتـاً مستبدعينـه ركـض بـه
اشياءً اشوفـه مابهـا شـك وغمـوض= لاشك تر بعـض الرجـال تغمـض بـه
قلته وانا من نـاب الاقـوال معضـوض=جهاز ضغطـي ناتجـه مارفـض بـه
ولا لوم من مثلي من الخلـق ممـروض=لو يرتفع ضغطـه ولـو ينخفـض بـه
وهجران من صادق على اهداف مفروض=ياالشمريـن ولا نبـي يعتـرض بــه
صداقةً لجـل المصالـح بهـا العـوض=ومن عاضني بالغير درت العـوض بـه
ياصرت من ناسي والاحبـاب مغيـوض=برحل قبل فيروسهـم مـن مـرض بـه
والله يا لو اركب عن السيـت بالحـوض=لارحل وعينـي يمهـم مالتحـض بـه
لارضاً خلت سحبـه محاديـر وفيـوض=لاجعل صديقي ضوح برقاً ومـض بـه
بأخاوي الـي يفـرد الريـش منفـوض=شف هجرت طيور الخلاء واتعـض بـه

قصيــدة للشـاعر / ثامر بن راضي بن غريب الشلاقي الشمري (رحمه الله تعـالى)