الى حكينا قولنا في فعلنا = والى فعلنا فعلنا الهوش يرتاب

[الزايــــدي]

قصيدة للشاعر محمد بن صهّيب الغريري

والقصيدة هذي لها قصة لكن القصة وش هي ما اعرف والقصيدة اطول من كذا

القصيدة طويلة لكن ياليت من اللي يعرفها يقولنا عليها

يا جاهل رح انشد اليوم عنا = وقل قالها نفجاني ماخذ بالاسباب

ايه غرره وعدواننا ما تهنا = حنا هل السيف الذي ماله جراب

وللسيوف بكفوفنا صوت حنّا = والقوم من صفق المخابيط هرّاب

دواسرٍ ذي لابتي وماتونا = تسمع عزاويها والى صاح مرقاب

وجيه قومٍ مطلقين الأعنا = فوق المهار ويصبح الدم سكاب

الى غزينا غزوةٍ ما هِزمنا = والى غزانا قومٍ اليوم قد خاب

الى حكينا قولنا في فعلنا = والى فعلنا فعلنا الهوش يرتاب

الى عدينا افطرقةٍ ما جِهلنا = هزت اراضيها مع جبال واهضاب

واللي نخانا كلنا له فزعنا = لاد الغريري للمّروات كِساب

حنا مع الرفيق وعلى ماتمنا = الا الردى في حين تحكمه الاسباب

متوارثين الطيب وحتى ولدنا = يفوح ريح الطيب منه بالاطياب

يا جاهلٍ يا سِعدنا ويا سعدنا = حتى الولد منا هو فكاك الانشاب

فينا الكريم والطيب فينا وحنا = فينا الشجاع وفينا قطاع الارقاب

ويا جاهلٍ رح انشد اليوم عنا = يقولها بن غرير عمى عين حراب

[فيصل بن حجرف]

لاهنت اخوي الزايدي ونعم بالغريري

وعزالله قصيده جزله واتمنى ان شالله انه احد من الاخوان يعرف تكملتها

تحياتي

[زبون كيمو]

يعطيك العافية يا لزايدي

[العماني]

لا هنت يالزايدي على هذه القصيدة الطيبة من الشاعر الفذ:محمد بن صهيب بن نفجان الغريري الدوسري.

تقبل تحياتي،،

[صعوط المجانين]

انا توني مشترك جديد ولكم لالالالالالالالالالالالا هنت
على ذالقصيده الجزله والدواكسر كفوووو ولا قصورن
في القبايل الثانيه ولا هنت مره ثانيه يالزايدي

دواسرن يوم الملاقا طوابير ***** مضرابهم بين النحر والكلاوي

ولاهنت وصح لسانك ولسان قايلها

[الزايــــدي]

وين يالربع مافيه احد يعرف قصة القصيدة


انا ابي قصتها ما ابيكم تمدحونهااااااااااا