لاا تـعـتـذر مـا للـعـذر مــنـك مـنـطوق ..//.. وصــد بـدون أسـبـاب ظـلـم وجــريـمـه !

[الــحـشـاشـــه]

الـسلام عليــكم


يســعد صــباحكم

بيحت سدي وانفتح كل صندوق = ياجعل ما كل العواقب وخيمه
ارقى من الضيقه على كل شاهوق = واهيم لا هب النسيم بنسيمه
البارحه يوم السما غيم وبروق = شديت في قلب الحزين العزيمه
لاثارت احزاني وجريت طاروق = ياتيك من وسط الضماير هشيمه
ببيات شعرن ترجمة كل معلوق = رشة على ظلم المحبين ديمه
اتعبتني يا مدعي الحب والذوق = وانتا حبيب القلب منتا خصيمه
برفوق لا تطغي على القلب برفوق = مافاختت طعنات صدك صميمه
يوم الغلا من بيننا عهد ووثوق = حطيتلك بين المعاليق قيمه
يا كيف انا بسلا من الهم واروق = دامك تجدد بي جروحن قديمه
لا تعتذر ماللعذر منك منطوق = وصدن بدون اسباب ظلم وجريمه
لوك تحس اللي انا احس وتذوق = مر الزمان وراس رمح الظليمه
ابصم بفعلك بالعشر منت مسبوق = وينك من بنود الغرام العظيمه
اسج رجلي ضايق الصدر مخنوق = اضحك واجامل والهواجس مقيمه
سخرت لك مشاعرن كلها شوق = وتمطر عليك من المعاليق غيمه
ناظر مكانك بين الاظلاع مفتوق = باسباب هجران النديم لنديمه
حتى غدى قلبي من البعد محروق = ما اشفاه عقبك في الغنادير ريمه
ابعترف لك والحكي صدق موثوق = ماعاد بالدنيا قلوبن رحيمه
دام المحبه كلها حق وحقوق = حقي تعالجني جروحن سقيمه
وان جيتني ندمان دمعك ملا الموق = مافيه داعي تعتبرهاا هزيمه
يا مرحبا فالحب يا اعز مخلوق = تشفعلك ايام الغرام اليتيمه
وان كان لك غيري من الناس معشوق = عفتك ولو ان الخساير جسيمه !

الـــشاعـــر // حـــقـان الــعـجــمـــي

[@الشيــــــــــــنه@]

رووعه

صح لسان الشاعر : حقان العجمــــــــــي

وتسـلمين ياحشاااااشـــــــه ذوق والله في اختيار القصايد

يوم الغلا مـن بيننـا عهـد ووثـوق
حطيتلـك بيـن المعالـيـق قيـمـه
يا كيف انا بسـلا مـن الهـم واروق
دامـك تجـدد بـي جروحـن قديمـه

[نـاصـر]

وعليكم السلام

صح لسان شاعرنا حقان العجمي

ولاهنتي يالحشاشه على الإختيار الرائع

تقبلي مروري

[مــشــعــل آل زميكان]

اشههههههههههههههههد انه شاعررر
ولا هنتى ياحشاشة .. على الناقل

[فهد بن مطلق]

صح السان شاعرها ولاهنتي يالحشاشه على الانتقاء


تقبلي مرووري

[ريــــــانـه العــــود]

الحشاشه

ابعترف لك والحكي صـدق موثـوق=ماعـاد بالدنيـا قلـوبـن رحيـمـه
دام المحبـه كلهـا حـق وحـقـوق=حقـي تعالجنـي جروحـن سقيمـه
وان جيتني ندمان دمعك مـلا المـوق=مافيـه داعـي تعتبرهـاا هزيـمـه
يا مرحبا فالحب يـا اعـز مخلـوق=تشفعلـك ايـام الـغـرام اليتيـمـه
وان كان لك غيري من الناس معشوق=عفتك ولـو ان الخسايـر جسيمـه !

رووووعه

صح لسانه

والله يعطيك العافييييييه على اختيار هالقصيده

[دوسري يحب العجمان]

اتعبتني يـا مدعـي الحـب والـذوق
وانتا حبيـب القلـب منتـا خصيمـه

برفوق لا تطغي على القلـب برفـوق
مافاختـت طعنـات صـدك صميمـه

صح السان شاعرها وتسلم يمناك يالحشاشه على الاختيار الرائع للقصيده

تقبلي تحياتي ...

[سهوم بقعهـ]

يا مرحبا فالحب يـا اعـز مخلـوق
تشفعلـك ايـام الـغـرام اليتيـمـه
وان كان لك غيري من الناس معشوق
عفتك ولـو ان الخسايـر جسيمـه !

;

لآهنتي ـيّ ع النقل الراقيّ ـيّ صح لسآنشّ ولسآنّ شاعرهـــــــــــــــــاآ

تحياآتيّ لشّ

[بنت الصقور]

روووووووووووووووووووووعه

ما قصرتي يا حشاااااااشه عالنقل وعساش عالقووووه ...

[ام العصافير]

صـــــــــــح نقلــــــــــلش يالحشاشه
وصح لساااااااانه مليوون ولا يكفووون
تسلمين على الأختيار الروووعه ويختسي الزين ماجيب الا الزين يختسي
لاهنتي