###قصيده رائعه جدا لوكيل الجزاله### (سالــم بن جخير)

[جطلي بن فهد]

يالله ياللي جميع الخلـق تحـت امـره = انـك تجـازي هـل النمّـات والغيبـه

وانـك تفـرج لعبـدٍ ضايـقٍ صـدره = الهيّنه فـي عيونـه صـارت مصيبـه

عزيز واللي سواتـي مانقـص قـدره = والله مالِحقـنـي شــكٍ ولا ريـبـه

شاعر مجرب واخذت من الزمن عبره = وياشيب راسي من اللي شفت ياشيبـه

ماكل منهـو يغيـب اجيـه ولاّ اشـره = بيموت ماقلـت لـه يامطـوّل الغيبـه

اميّز الضحكه الضحكه مـن الكشـره = وخصمي واعرفه بضحكاته والاعيبـه

من بعدهـا ببتـدي وافصّـل النشـره = وكـلاّ يفسـر علـى كيفـه واساليبـه

يابنت انـا لابتـي خيالـة( السمـره) = ارداهم اللي مايِحصون العـرب طيبـه

فينا الولـد للمراجـل واهـبٍ عمـره = يحري بكلمـة نعـم والنعـم يحريبـه

فينا الولد يرتكي للحمـل مـن صغـره = من شاف فعلـه لـزومٍ انـه يهذريبـه

رفيقنـا مايجيـه ابـر مــن تـمـره = وعدونـا يابـري حالـه وطرجيـبـه

اشب ضوّي وسمره في طرف سمـره = والضيف يبشر بعشـر آلاف ترحيبـه

لانيب اجامل ولا دانـي هـل الزمـره = ولاّ رفيقـي تلـبـى لــه مطاليـبـه

اعز نفسـي عـن الهفـوات والعثـره = اخـاف كلمـة عذاريـبـه عذاريـبـه

الدرب ماقـول ياطولـه ويـا قصـره = لو كان فـي درب ماتِحمـد عواقيبـه

لا(ششت) كني هبيلٍ في طرف سكـره = لا جيب للموت طـاري قلـت حلّيبـه

وانتي لش المشط والريحان والحمـره = وانا لـي العـز وافخربـه واماريبـه

وانتي لش الولوله والدمـع والحسـره = وانا لـي المجـد والنومـاس والهيبـه

انـا ليـا قلـت عنـدي للفعـل قـدره = والا انتي اقصى علومش (ياقطع صيبه)

هاذي ترى زبدة الموضـوع فالنشـره = وكـلاّ يفسّـر علـى كيفـه واساليبـه

من راح يالله عساها لـي ولـه سفـره = ومن صدّق اهل النمايم ويش اسويبه!!؟؟

لكن قبل ماختـم ابياتـي علـى فِكـره = الله يجـازي هـل النمّـات والغيـبـه

اتمنى ان تنال اعجابكم كما نالت على اعجابي


اخيكم
سماوي بن نجم

[فهد بن مطلق]

ماكل منهـو يغيـب اجيـه ولاّ اشـره=بيموت ماقلـت لـه يامطـوّل الغيبـه

اميّز الضحكه الضحكـه مـن الكشـره=وخصمي واعرفه بضحكاته والاعيبـه

من بعدهـا ببتـدي وافصّـل النشـره=وكـلاّ يفسـر علـى كيفـه واساليبـه

بأختصار.. حجز1

[جطلي بن فهد]

العود

مرحبا ومسهلا
يشرفني ويشرف موضوعي انك الاول
وحياك الله
اسعدني مرورك جداً

والله لايهينك

[موكب]

اخي الغالي سماوي بن نجم

سلمت اناملك بما خطت لنا من ذوق في قمة الروعه والابداع

وصح لسانك ولسان شاعرها

واشكرك جزيل الشكر على نقلك لهذه الدره الرائعه

دمت بــــود

[الباشا]

اختيار جميل ورائع وصح السان الشاعر سالم بن جخير

الأخ القدير
سماوي بن نجم

لا هنت على النقل الرائع والله يعطيك العافيه

[جطلي بن فهد]

الاخ العزيز
موكب

الله يسلمك من كل مكروه وصح بدنك
يعطيك العافيه على مرورك وتعقيبك ولك مني الشكر
والله لايهينك مرور رائع كعادتك فانا دائما اسعد اذا تواجدت انت ومن مثلك
في صفحاتي

فلاتحرمني من تلك السعاده

لك الشكر

[جطلي بن فهد]

الاخ الغالي

الباشا حياك الله ومرحبا ومسهلا
اشوف منتدى الشعر العام منور اثرك متواجد فيه
الله لايهينك على مرورك ويعطيك العافيه
اشكرك جزيل الشكر على المرور الرائع

ولاهنت

[الجلمود]

اخي سماوي بن نجم لاهنت علي النقل والااختيارالموفك



وصح السان شاعرهاالمبدع

[محمود عواد العجمى]

مشكور يا اخى وصح اختيارك


وصح لسان الشاعر


الله يديمك خويى


ودمت بود

[دوسري يحب العجمان]

من راح يالله عساها لـي ولـه سفـره
ومن صدّق اهل النمايم ويش اسويبه!!؟؟

لكن قبل ماختـم ابياتـي علـى فِكـره
الله يجـازي هـل النمّـات والغيـبـه



ابيات رائعه وجزله من شاعر جزل سالم بن جخير

تسلم اخوي المبدع سماوي الجزل مايجيب الا جزل مثله

تحياتي لك ...