كل يوم ( وانتم ) بخير
ابطيت ادور مطلع لعقد الالماس= وان عاش راسي جبته وعاش راسي
بريت دم كليب من رمح جساس= طول الغياب ولا الحضور النحاسي
للشعر بيت ولو على الباب حراس=ماقللوا حراس بابه حماسي
ش الفايده من نقل الاكتاف للراس =كانه رجع ماجاب رقم(ن) قياسي
سميت نفسي باسم (( واحد من الناس *))= هو الوحيد اللي لقيته مقاسي
ناوي اذا حصلت بالشعر نوماس=اسجله باسمي وباسماء ناسي
اما انت ياللي ماانت راضي بال ايّاس=انا وقلبي ومستواي الدراسي
سجلنا باسمك بس لاتجرح احساس=تبقى على عرش المعاليق راسي
فيك اغرق اغرق لين ما احتاج الانفاس=واشهق عيونك والبحر والمراسي
ياخشف قوم(ن). شارد لصالة اعراس=طيفك شوي شوي يسرق نعاسي
معك عقارب ساعتي ماهي قياس=لو عدت الثنتين عندي سواسِ ..!
الله خلق خدك على شان ينباس=مثل القمر لازال عنّه اقتباسي
مادام خد وقدّ ورموش نعاس=مدري وش اللي معجبك في يباسي
لا املك إلا بضعة احلام يئاس=من كبرها لبست ثياب التناسي
من حارة التفاح الى شارع نكاس=ركبت انا وياه كل التكاسي
مارحت ادور كاس دورني الكاس=شفني قلبت الطاوله والكراسي
وانت تخبرني لا تناولت قرطاس=هزيت خصر (( الراقصه والسياسي ))
29-06-2004, 02:48 PM
العرض المتطور
