( عيال الرّعاه ) .!

[فهيد بن عصيدان]

صباح الخير .,

اقبلوها واعذروها .!

لاعاد تنشد ويش حال فهيد , يامال الغناه=الأسئله معروفه , ومردودها .؟ مردودها
بعض النشايد توجع الرجّال , وتبيّح خفاه=ودّه بفرقا الناس لمفارق كُثر منشودها
ماكلّ برقٍ يجذب المسني ليامنّه رعاه=مدام مالِحْق المطر فبروقها ورعودها
والبارحه , ليله مهيب تعدّ من ضمن الحياه=لوانّه ايكاشف علي نور القمر .؟ ياسودها
أغبط خليّات القلوب اللّي لو اتحصّل لهاه .؟=اتسجّ في جرّة ربابتها , ورنّة عودها .!
وانا لي الله قلبي البارح شعاه اللّي شعاه=يطمر معاليقي من أصغرها , وياصل عودها
أمتّر ( الجهرا ) وساقي من خلاه وفي خلاه=ماكنّه الا في مطالعها .؟ يحرْس حدودها
خابر لي اطلالٍ لوقتٍ راح وأعطاني قفاه=يابري حالي , يوم أمسّيها وذعذع نودها
والنوم , مالنّوم درْب لعيني ولاله طراه=ودموعها ياهونها , ومْن اوّلٍ ياكودها .!
الضيقه انتشرت , ويومي من صباحه لامساه .؟=ماغير اذاودها عن الصّدْر وعجزت اذودها
ماكنّها الا ضيفٍ , ايضيق المعزّب لالفاه=ضافت معاليقي , وهيّت لإجتماع إوفودها
أسبابها , سرّ إجتماع أهل المشالح والعباه=اللّي يِحَفْظ سدودها , والا يبيح سدودها
والكلمه اللّي زتّها لساني على اطراف الشّفاه=نطقتها , وانا اعرف انّي ماجهلت بنودها
للصّاحب اللي يوم اوصيه , اجتنب درب الوصاه=ولامشى فيها وورّدها بغير اعدودها
صحيح مايمديني أغليه , ويشرّهني غلاه=لكنْه ماأدى الامانه , والعهود اعهودها
وانا بشر يخطي .! وكلٍّ عارفٍ وشهو خطاه=لكنّ ذيك الساعه ان عادت .؟ فأنا بعودها
أجابه أيامي , واواجهها على كلّ اتجاه=واحاول انفذ من قذايفها , ومن بارودها
أتبع هوى نفسي ياعنكْ انّه يعنّيني هواه=ونفسي على درب الهلاك تقودني وآقودها
وسنيني تمرّ , ونصيبي في سنيني .؟ ماخزاه=والله مدري وش حصيل اصدورها وورودها
وأحلامي تموت , وطموحي يحتضر فأوّل صباه=تعبت من كثرة خسايرها , وقلّة فودها
وإن جيت بطردها .؟ سبوق الوقت , مايمدي مداه=ولاصدق قول المثل : ملحوقها مطرودها
والوقت لايِحمد , ولايمّن , ولاينصف قِضاه=ناسٍ مايعرفها , وناسٍ يعترف بوْجودها
أحدٍ يِبعّد , لوّه أقرب : منسب ووجه ووجاه=وأحدٍ يِقرّب لجل زين : اللّي تكدّ جعودها
وقتٍ على عْيال الشيوخ , ايقدّم عْيال الرّعاه=لوانّها ماكبّرت ضيّانها ووقودها
ودنياً , تزيّن لي بملبوسٍ يشدّ الانتباه=تغريني , وتكشف مفاتنها , وليّن عودها
أطرد وراها , وإن دعتْ .؟ لبّيتها ماقلت ( هاه )=وأطبق شفاياي بشفاياها , وأضمّ زنودها
ومن قبْل لاتاصل مع العاشق لذروة مشتهاه .؟=تنفر , ولاتاتي وتِلْحِق بالصدود .؟ اجحودها .!
فالمبتلا .؟ يصْبر مدام إنْ : في بلاه الله بلاه=ولايلدّ بهرج حسّاده , وغلّ إكبودها
ولايشحّ بدعوة الله , دامه أقرب في دْعاه=ويناجي الله فالصلاه , رْكوعها وسْجودها
والرجلْ دامه حيّ .؟ ياقف دون ذكره ويحماه=والا الرخوم ارخوم , لوذكْرت بطيب إجدودها .!
ماتلحقه في نفسه مْن الناس شكّه وإشتباه=إيعرف ويش أهدافه , ويتعب على مقصودها
إيدوّر اللّي يرفعه , ولاينزّل مستواه=ويدرى مشاريه الرّجال , ويحْسب لمنقودها
وأنا هنيّا , يامنقّلة العلوم امن الرواه=وإن كبْرت القاله .؟ تراني قدّها وإقدودها
أطقّها فالوجْه , وأضرب فالخشوم وفالجباه=إلين أميّز بين صاملها , وبين شْرودها .!

[عــقــاب]

يا حبي للقصيد اللّي على ـاه ..

والكلمه اللّي زتّها لساني على اطـراف الشّفـاه=نطقتها , وانا اعـرف انّـي ماجهلـت بنودهـا
للصّاحب اللي يوم اوصيه , اجتنب درب الوصاه=ولامشـى فيهـا وورّدهـا بغـيـر اعـدودهـا
صحيح مايمدينـي أغليـه , ويشرّهنـي غـلاه=لكنْـه مـاأدى الامانـه , والعهـود اعهودهـا

....

ومن قبْل لاتاصل مع العاشق لذروة مشتهـاه .؟=تنفر , ولاتاتي وتِلْحِق بالصدود .؟ اجحودهـا .!

....

والرجلْ دامه حيّ .؟ ياقف دون ذكـره ويحمـاه=والا الرخوم ارخوم , لوذكْرت بطيب إجدودها .!
ماتلحقه في نفسه مْن النـاس شكّـه وإشتبـاه=إيعرف ويش أهدافه , ويتعب علـى مقصودهـا
إيـدوّر اللّـي يرفعـه , ولايـنـزّل مسـتـواه=ويدرى مشاريه الرّجـال , ويحْسـب لمنقودهـا

الله الله


فهيد بن عصيدان ..
انت خابر اني لي فترة ما اشارك و بستمر كذلك ( إلاّ ) فالتاريخي كمشاركات اذا ما
(كتبتها انا محدن بكاتبها غيري)


لكنّ قصيدتك ذي اجبرتني آرد

قريتها كم مرة من مبطي ولا مليت منها ...

عموماً صح لسانك صح لسانك صح لسانك ...

دمت بإبداعك يا مبدع

تقبل مروري ..
فمان الله

[ناصر بن فالح]

الله الله

حجز أول

[(هاوي قصيد)]

فهيد بن عصيدان ,,,

وقتٍ على عْيال الشيوخ , ايقدّم عْيـال الرّعـاه = لوانّـهـا ماكـبّـرت ضيّانـهـا ووقـودهــا

الله واكبر

ارحب يابو محمد

صح الله لسانك ولاهنت جزله ومن راس جزل ووافي

[كرباج]

الله عليييييييييييييييييييييييييك يا فهيد



والله انك جزل بالثلاث



لله درك وكفى

[فهيد بن سالم]

والرجلْ دامه حيّ .؟ ياقف دون ذكـره ويحمـاه=والا الرخوم ارخوم , لوذكْرت بطيب إجدودهـا .!

( أبـداع × أبـداع )


صــح لــســانــك يـابـن عــصــيــدان


ولااهـــنـــت ,


وبـيـض الــلــه وجــهـــك عــلــى هــذهــ الــشــامــخــه

[Imagination]

ماكـلّ بـرقٍ يجـذب المسنـي ليامنّـه رعـاه=مـدام مالِحْـق المطـر فبروقـهـا ورعـودهـا

جمعه مباركه
وصح الله لساانك مدد لا عدد

[سعود الجوفان]

ولايشحّ بدعوة الله , دامـه أقـرب فـي دْعـاه

ويناجـي الله فالصـلاه , رْكوعهـا وسْجودهـا

والرجلْ دامه حيّ .؟ ياقف دون ذكـره ويحمـاه

والا الرخوم ارخوم , لوذكْرت بطيب إجدودهـا .!


بيض الله وجهك يابن عصيدان

قصيدةٍ جزله من راسٍ جزل

صح لسانك يالشيخ

بإنتظارك

تحيتي

[محمد العزام]

مرحبا يا ابن عصيدان و صح لسانك و اعتلى شانك على ذا الجزله

... تقبل مروري

[فلاح بن ملبز]

ارحب مليار يا ابو محمد

وصح لسانك على ذا القصيدة الجزله

ولاهنت يا مبدع