آخر علومي الكبار........ يااااااااااامتي

[@الشيــــــــــــنه@]

صبحكم الله بالخيير وهذي من عندي بدايه لكم هذي ابياات شعريه اكتبها ولا تحصل لي فرصه اكملها

واوعدكم انشالله بنص شعري وافي ..


يــــاخـــــاطري رتب لنا قـــاف نصــــه .. أسمى التحيه للحضور الرشيدي

وارسل سلام (ن) من ضميري وخصه ..على الرفيق اللي كلامه فريدي


وهذي تحيه لكم

* * *
لاعاد تسـأل دام قول الصراحه .. يضايقك ياصاحبي دوم منـي

ولا عاد تجرحني وقلبي جراحه .. اقسى البشر لو شافها جا وحني

* * *

دامك انت اللي معلمني الجفا .. لاتعـــاتـبـني ولا تشــره علــي

من تركتك طرف عيني ماغفا .. وانت تحسب قلبي من همه خلي

* * *

ياناس مابه خصم اخشاه واضيق .. محد(ن) يقارن بالحديده مع الماس

انا مقامي ياعرب كنه طويـــــق .. رفيـــع دايــم شامـــخ وعالـي الراس

بنت الرجال اهل الوجيه المطاليق .. اللي لهم ذكر(ن) طغى بين ذا الناس

* * *


وانـا من اقصى عرق فيني ألبيك .. والعن خفوقي لاامرته ولا جــاك

ان كان عمري يالغلا مايكفيك .. وش عاد تبغى يالغلا وسط دنياك

انظر في قلبي ويش سوى تماديك .. ومن دون خلق الله يبيك وتمناك

* * *

لي لابتن سم الجموع المعتدين .. تشـرب فناجـــيل الشجاع اللي خـــطير

من عاد الاول نصرها نصر(ن) مبين .. تقدم نهار الهوش ماهي تستشير

ولا طالت الحرب وتمادت ماتلين .. إيلين ياتي ياعرب نصر(ن) شهــير

وشكراا لكم ع المتابعه

واتمنى مشاركتي البسيطه تعجبكم

[عبدالناصر آل عبدان]

أختي الخلوقه

... الشينه ....


أرحبي يالشيخه ومرحباااابك يابنت الأجواد بين ربعك وخوانك



وعز الله بيوت الشعر المقتطفات اللي انتي حاطتها بيووووت جزله جزله وكاااايفه



وصح الله لسااانك


مدد بلا عدد



ولكن الاستفسار


هل الأبيات الشعريه لش

ولا منقوله



وسلاااامتش



ودام توااااصلك الراااقي



ودعتش الله

[ناصر بن حثلين]

ماشلله فيها عزه وشموخ وجاذبيه صح الله لسانش ولاهنتي ابيات حلوه بس كمليها عاد

[حمود بن فطيس]

الاخت المحترمه الشينه

نظرت الى هذه الكتابات الراقيه ولم اجد سوي كل ماهو فذ
ورائع احسنتي ايتها الغاليه بما كتبتي


وانـا من اقصى عرق فيني ألبيك .. والعن خفوقي لاامرته ولا جــاك

ان كان عمري يالغلا مايكفيك .. وش عاد تبغى يالغلا وسط دنياك

انظر في قلبي ويش سوى تماديك .. ومن دون خلق الله يبيك وتمناك


صدقتي في هذه الابيات

لا احد يستطيع قرائتها دون انت تتملكه المشاعر لها

صح السانك الى اقصى الحدود

تقبلي تحيات مودعك

حمود بن فطيس

[@الشيــــــــــــنه@]

اخووي عبدالناصر الفهاد يسعدني مرورك ..


يلي مرورك بموضوعي يساعدني .. اشكر مرورك ياابن عمي وانا الشينه

انا هجوسي هجوس(ن) ماتعاندني .. واللي يعاند خفوق البنت ياعوينه


وشكرررررررررا

[@الشيــــــــــــنه@]

ناصر بن حثلين


تسلم يالغالي ع مرورك الطيـب وانشالله اكمل


ناصر ترى الوقت مايسعف....وأبياتنا فيه تستنجد

وكثر الدوادي ترى يضعف...والله يامسندي عن جد

وأشكرك

[@الشيــــــــــــنه@]

الاخ حمود بن فطيـس

يسعدني مرورك اخوي ..


كفو دايم وأنت واحد من هلي....من عرفتك وانت خفاقي تسره

أنت مري لكن أسمع مايلي...جدكم اهل الردى بتعيف شره


واشكرك

[عجمي في لبنان]

المزيونه

صح لسانج

وعز الله روعه

بنظار جديدج الراقي

كل الود

[بــ راكان ــنت]

وانـا من اقصى عرق فيني ألبيك .. والعن خفوقي لاامرته ولا جــاك

ان كان عمري يالغلا مايكفيك .. وش عاد تبغى يالغلا وسط دنياك

انظر في قلبي ويش سوى تماديك .. ومن دون خلق الله يبيك وتمناك
الله الله
صح لسانك مليون ولايكفون يالغاليه
Dr.Corvette

[حمود بن فطيس]

كفو دايم وأنت واحد من هلي....من عرفتك وانت خفاقي تسره

أنت مري لكن أسمع مايلي...جدكم اهل الردى بتعيف شره


والنعم بال مره كلهم ويستاهلون والطيب عاده لهم


بس عندي توضيح لك اختي الفاضله



ربعي ضنا مرزوق لاصاح صايح
ترقى على راس الطويله بالافعال
ياكم عدو(ن) ماسمع للنصايح
اقفى عقب فعل المرازيق رحال

تقبلي تحيات مودعك

حمود بن فطيس