صباح/مساء الخير
عليكم جميعا
مشاركه ثانيه اتمنى
مرورها الى قلوبكم ..
:
:
احبك ايه انا احبك محبـّه ما لها اي حدود
سماها قْلوب بس تنبض واراضيها تراضيها
احبك ايه انا احبك وخلق الله علي شهود
وكل شعر ٍ بقرطاسي وكل سهـْر بلياليها
احبك وانت ماتدري بأن الجود بالموجود
ولكن لجل حاجاتك وصلت لْحد عاليها
اجيب اللي ماقد جابه اساطير ٍ لها مردود
تصب العشق فوق العشق لكن بس لغاليها !!
وانا من طهـْر ضلعاني وطيب القلب اعم الفود
اعد الطيب من ذاتي واروح اقبل لباغيها
اغذي الناس بخلاقي وحـُب الخير زايد زود
سوى كانوا بوسط الذات او انهم مااسكنوا فيها
طبيعه مابعد صارت ولا بتصير دون الجـود
وكلن عارف ٍ جودي وجيدي كان اسمـّيها
نقيـّه حتى اطباعي ولا احب الليال السود
شريف ٍ .. ماتردّى في بقـع تكثر مساويها !!
ياعز الارض لو تفهم بأن فراقنا .. محمود
ولا به شخص يتشكـّى بـ نبل اخلاق راعيها
ماغير النجس واشباهه وكل من له فكر محدود
ولا اظنك كذا ترضى تجي حـيّ وتساويها
وانا وان كنت بك مخطي فذا من حظّي المقرود
لأني جيتك العاشق ولا حسـّبت تاليها
عشقتك صدق بعماقي وصنتك مثل صون وْعود
وصون الوعد شي كايد لـ عجميها وياميها
ولكن .. شفتك اطهر من محبـّه دربها مسدود
كثير ابواب مفتوحه ولكن ما نعدّيها
صحيح احيان ناصلها على مهـْل وبغير قيود
ولكن كلّ ماانـْـخمها نميل اكثر ونخطيها !!
ياعز الارض لا تحكي عن القصه وكل موعود
لأني من اجاويـد ٍ تعلـّيها مباديها
تقول اشيا واقول اشيا واحاسيسك كما الجلمود
عنيد ٍ ماتحب الصحّ وجْروحي تصحـّيها
ياعز الارض لا تحكي وكل من حولنا مضهود
مخاليق ٍ قسى حظها معآ وقـت ٍ مجافيها !
تعال وشوف كم دوله غدى من فيها بس جْنود
تحارب زمرة اعداء ٍ طغت بالغدْر اراضيها
فلسطين ٍ الى ذا الوقت ماهمها سوى البارود
ولا تدري من تحارب عدوٍّ منها او فيها !!
خاف الله واترك الضيقه لو ان الفود فيها عود
وانا اعـَرفك تضد الهم والضيقه وطاريها
ولا تشـْره على فعل ٍ تحَـسْب انك بها مقصود
وانا والله ما اقصد سوى حاجه اداويها !
اجيب الصحّ قدامك وشفني جايبه مشدود
لجل ماترخي احزاني عزوم ٍ قدني ناويها !!
خلاص ارجوك لا تحكي واخذ مني كلام الفود
لجل فـ المقبله تقسى وتنسى كلّ ماضيها :
اذا كانت محبـّتنا زمنها ماهو ابـ معدود
فـ انا اقول العمر (( لحظه )) قصيره هي خطاويها !!!
:
:
حســـن بن شتران آل صليــع
28-09-2008, 02:37 PM
عشقتك صدق بعماقي وصنتك مثل صون وعود .. وصون الوعد شي كايد لـ عجميها وياميها !
العرض المتطور
