اللي يخاويني على الطيب اخاويه

جطلي بن فهد · #1 30-10-2008, 11:11 AM

ياهيه انا في قمـة المجـد ياهيـه
ماجات منّه ربـي اللـي عطانـي
قدري ليامن جيت اسميـه اسميـه
اما الجـدي ولا سهيـل اليمانـي
الى شرهت اعرف حدود المشاريه
مانيب اقول انـا فـلان الفلانـي
احب راع الطيب واحـب طاريـه
ياني احب اهل المواجيـب يانـي
رفيقي احترمه واعـزه واداريـه
والى نصانـي فالمواقـف لقانـي
لخطى علي ماقلت يخطي علي ليه
مالي عيـون تشـوف ولا اذانـي
اما نتطحته وجـه مانيـب قافيـه
واللي على قلبـي يقولـه لسانـي
وبرقٍ يلوح هنـاك ياعـز واليـه
لو ماسقاني قلـت لـو ماسقانـي
اللي يخاويني على الطيب اخاويـه
ماعـده الا واحـدٍ مـن اخوانـي
خطوى العريب اللي تشرف مماشيه
نسل الرجـال معربيـن المجانـي
اللي ليا من الرجال اعتـزوا فيـه
عبارته قمنا تـرى العمـر فانـي
لاهوب ناسيني ولا نيـب ناسيـه
ان غاب جيته وان تغيبـت جانـي
اللـي يلبيلـي وانـا اقـول لبيـه
قدر وغلا ماهوب مقصـود ثانـي
والله لوقف لـه (كذيـا) واحييـه
بالدلـه ام الهيـل والزعفـرانـي
والا الردي لا راح مانيب باكيـه
ويا جعل ابيه النار كانـه بكانـي

قصيده عزيزه على قلبي جداً
حبيت انزلها لترونها وترتوا من الابداع
للشاعر
سالم بن جخير العرجاني

الـ ـشـ ـقـ ـا ويـ ـه · #2 30-10-2008, 11:17 AM

صح لسان الشاعر سالم بن جخير مبدع دائما وقصايده رائعه

لاهنت عالاختيار الحلو

تحياتي لك

ولد زايـد · #3 30-10-2008, 11:17 AM

..

يا سلااااام يا ابن جخير شاعر جزل

صح لسانه

ولاهنت يا سماوي على هذه الذائقة الفريده

الف شكر

صمــت اليتــاما · #4 30-10-2008, 11:49 AM

سماوي بن نجم
مبدع دوم ماشاءالله عليك
صح لسانك ولسان شاعرها
ولاهنت

,

مريغان · #5 30-10-2008, 12:57 PM

لاهنت على نقل القصيده الجزله

وماهي غريبه على بن جخير وكيل الجزاله

كلاش · #6 30-10-2008, 06:05 PM

اخي الكريم سماوي بن نجم

لاهنت على نقل القصيده الاكثر من رائعه

وقصيدة جزله من راس جزل

تقبل مروري

ذايع الصـيت · #7 31-10-2008, 04:05 AM

سماوي بن نجـم

قصيده جزله من شاعر جـزل

صح لسان ابن جخير وتسلم يمينك على النقل

تقبل مروري طال عمرك