قصيدة: الشيخ / محمدبن فهد بن منيخر (رحمه الله)
في أبنه (أعجمي)
يا مرحباَ يا الذيب الأسود إلي الفيت=زولك نضر عيني وزهرة فـؤادي
مني لناسه غيبت يومك ابطيت=خمسين يوم كامله بالعدادي
فيك الرجوله والشهامة وتحريت=عسـا ظنوني فيك تأتي وكادي
جا نيـ.ــك من موكر حرارن وربيت=عسا تنومسني نهار الهدادي
زرعن زرعتك فأطيب القاع واسقيت=أبغي ثمر نبتك ليالي الحصادي
علي أطيب أسمن فالرجاجيل سميت=علي أسم جدك ياعريب الأجداي
أبغيك ذخر لي لمني ترديت=لاكادني عقب المقام القعادي
أسمع وصاتي يو أوصيك وابديت=عسالك المولي علي الخير هادي
حافظ علي دينك وأركان أمواقيت=في طاعة الله كل عز ورشادي
وحق الخوي والجار ثابت تثابيت=والضيف قبل الكل بالحق بادي
ياذيب لارافقت لك ذيبن أقديت=الذيب عمره ما يرافق أربادي
أبرفقة الطـيب تفوز وتهنيت=وتأخذ من أطباعه ألطبعك مبأأدي
رافق مثل ربعي لمنك تنصيت=فحول الرجل واتشيل ماكان كادي
نافل وسالم شيدوا فالفخر بيت =ومجول كسب كل المراجل وزادي
ساس الرجولة والفخر ويش خليت=أيسود من أيسود راشد وهادي
لاجيت بأحصي طيبهم ماتحاصيت=عدن بليا حد ماله أعدادي
أدعيلهم في كل وقت لصليت=عسالهم من عند ربي أمنادي
أمقصرن في مدحهم لو تماديت=أهل المكارم فالسنين الشدادي
إلاد مفلح من قد يمن لهم صيت=ربي خلقهم للمعادي نفادي
لازعزوا المفلح نهار التناعيت=الطيح روس الروس مثل الهوادي
كم حاكمن خلوا اجموعه تشاتيت=جنايزه كنها صريع الجرادي
تطمن لهم روس الطغات العفاريت=امطوعين اللي ابراسه اعنادي
هاذي فعايلهم لمنك تنبت=تاجن علي روس الحضر والبوادي
مقــــــــدراوفيهم حقهم لو تقصـــويت=تاريخهم من عصر نوحن وعادي
بينت لك افعال ربعي اوفيت=امورية حدب الظهور الحدادي
عساك تلقا مثلهم كانك ابخيت=ربعن مثل ربعي عليها اعتمادي
لاترافق أهيوس الرجال السرابيت=أهل العلوم الخايبة والفسادي
خطوات خايب لابحين ولاميت=ليلة سهر اليوم كله أرقادي
أعما ويمشي في ظلامن بلاليت=قاصر مهايل تايه الفكر غادي
راحت ليالي العمر منه تفاويت=من الدين والدنيا خسر ما ستفادي
أبعد من أخدوش الرخوم الخراتيت=أطوال الألسن قاصرين الأيادي
اللي تدور للحكا والحتاحيت=أهل النمايم وناقلين الدوادي
خلك بعيد الطلع لمنك هديت=الحر مثلك لبعد الطلع صادي
لاشفت غلطة من رفيق وتغاضيت=تاخذ بها العليا وتحوش المرادي
كأنه ردين فأنت منه تعليت=وأن كان طيب جودتك في جوادي
أرفع مقامك لومنه توذيت=واصبر علي خطاه مثل المهادي
شيبان ربعك عزها بكل ماوتيت=أكبارهم واللي بعد فالمهادي
خلك طليق احجاج ولاجوك هلليت=وبين لهم محبتك والودادي
أرخص الربعك كل شين تغاليت=ماكان يرضيهم سداد وقو.ادي
ربعك مثل سيفن لمنك تعزويت=ذخيرتك لاجا نهار التنادي
تحشم يحشمتهم ولو انك زليت=وتهاب بهيبتهم ولو هم ابعادي
الله يرحمه ويسكنه فسيح جناته..
15-11-2008, 03:25 AM
يا مرحباَ يا الذيب الأسود إلي الفيت (محمدبن فهد بن منيخر) الله يرحمه
العرض العادي
