دمعة ٍ كن بشقاها .. يوم طاحت في شليله=جادل ٍ جات بدوي ٍ تطلب الستر وسترها (دره)

[فهد بن مطلق]

السلام عليكم ورحمه الله وبركاته


تواصليه لاغير..!


صلوا على النبي
.
.
.
.
.
.
.
.

ماتقبلت الفراق.. ما ليدي فيه حيله=آه - لو ان الظروف المقبله..؟ تكشف قدرها
لو يعرف الشخص منّا.. وش مع الغيب أبـ /يجي له..؟=كان جنبنا المشاكل..! من قبل يوقع ضررها
ما هقيت.. الليله اللي جابت الفرقا..؟ (طويله)=لين صارت.. ليلة أمس بعيني أطول.. من شهرها
والعذاب .. اللي يذوب بــ /عين من يفقد خليله=عندي أكبر.. من عذاب العين لو تفقد نظرها
والحبيب.. اللي صدوده - مثل مداته جزيله=صد عني وأعرفه لو صد عن حاجه هجرها
كن روحي.. يوم حست في جفاه وصعب نيله=بشرتني بالضياع.. وشدة العزم لـ /سفرها
ما رحمها من هلاك ،، وما تقبّلها دخيله=تحتضر قدام عينه لين ماتت من قهرها
عاد ليت اللي ذبحها وأرهب الموت بـ /وسيله=ما دفن وجه الضحيه والسكاكين بنحرها
ليت قلبه يوم سوى فعلته كمّل جميله=لو غسلها من عروقه وبكفن صدره قبرها
من حفر بـ /ضلوع قلبه (حفرة ٍ) تكفي قتيله..؟=ليه ما يدفن قتيله بالضلوع اللي (حفرها)؟
أشتكيته للرفوف // وللبراويز // الهزيله=وأنذعرت من النياح.. اللي سمعته في صورها
رحت أسولف للجبال الصم..! عن قصة رحيله=ما تركت متونها الا ينحِت الدمع بـ /صخرها
وأحد ٍ حقق جماله كذب - أساطير الف ليله=يسكن السبع.. البحور ويحبس (الحور) بدررها
الدروب.. بـ /كبرياها ترتجف..- تحته ذليله=والورود اللي تقبّل خطوته..؟ تنبت بأثرها
والغصون اليا بغاها تنثني له.. تنثني له=والفياض أن حب ينثر عطرها يلمس زهرها
لو يصوّت للغدير المنجرف جفف سبيله=وأن تبسّم للجبال الصامته نطّق حجرها
كل حاجه تستوي له.. لي بغاها تستوي له=بالنظر وأستغفر الله لو بقول : إنه سحرها
ذاك لو بس يتمنا فاكهة شجرة ضليله=بس يفتح راحت أيده ويتساقط له ثمرها !
كن ربي سخر له المعجزات المستحيله=وأصبح أسطوره وكل الالسنه تنقل خبرها
هان محجر دمع عيني لين جفّف سلسبيله=والتفت لأخير دمعه قبّلت يده ونثرها
دمعة ٍ كن بشقاها .. يوم طاحت في شليله=جادل ٍ جات بدوي ٍ تطلب الستر وسترها
له علي إنه.. ليا من طاح من عيني تشيله=ولي عليه أنه.. يرجّع لابتساماتي ثغرها
لو طعوني بالسكاكين بيده..! تشفي غليله=لاشتريها من عذابي.. - وأدفع بدمي مهرها
وأطلبه ينهال فيني.. طعن لين يطيح حيله=بس لا يترك عيوني.. تنحرم نعمة بصرها
له بعيني مثل ما للطهر بالنفس الاصيله=تقطع يدين الردا لو مس شعره من شعرها
مابغيته غير درب ٍ شتّت أقدام الدليله=مزنة ٍ ما بللتني وأستحيت أطلب مطرها
والعطايا.. من يدين الخلق للطالب قليله=والوهايب.. من يد الله للعباد أجل وأرها
وأن نسيت إني زرعت العشق وحظوظي بخيله=ما نسيت إن العطايا تستحق اللي شكرها
صعب تلقى شخص وافي يجزي الطيب بمثيله=والعرب كد قالت ان : الناس ما تترك قشرها

[مــشــعــل آل زميكان]

حجز فاخر اول
مبدع بكل حالاتك

[فهد بن مطلق]

المشاركة الأصلية كتبت بواسطة مــشــعــل آل زميكان

حجز فاخر اول
مبدع بكل حالاتك

حجزك أوكيــه .!

وجعلك تسلم

[صمــت اليتــاما]

وعليكم السلام ورحمة الله وبركاته
اختيارأكثر من رائع ياالعود
صح لسانك مليون ولاهنت





,

[فهد بن مطلق]

المشاركة الأصلية كتبت بواسطة صمــت اليتــاما

وعليكم السلام ورحمة الله وبركاته
اختيارأكثر من رائع ياالعود
صح لسانك مليون ولاهنت





,

صمت اليتــاما

لاهنتي على المرور الجميل ..!

لش تحياااتي

[سالم الرتيبان]

عليه الصلاة والسلام \ مشاء الله مبدع يالعود
جزل ولاتحرمنا ابدعك
سجل متابعتي
ودعتك الله

[فهد بن مطلق]

المشاركة الأصلية كتبت بواسطة سالم الرتيبان

عليه الصلاة والسلام \ مشاء الله مبدع يالعود
جزل ولاتحرمنا ابدعك
سجل متابعتي
ودعتك الله

سالم الرتيبان

يامرحبااا ..

لاهنت على المرور طال عمرك

[سـعـود بن عمـير]

السلام عليكم ورحمة الله وبركاته ."."."

الله لا يهينك يالعود على ذالقصيده الجزله ."."."

وصح الله لسانك ولاهنت على الموضوع ."."."

[فهد بن مطلق]

المشاركة الأصلية كتبت بواسطة ابن شافع

السلام عليكم ورحمة الله وبركاته ."."."

الله لا يهينك يالعود على ذالقصيده الجزله ."."."

وصح الله لسانك ولاهنت على الموضوع ."."."

لاهنت يابن شافع على المرور الجميل

لك تحيااااتي

[برنسيسة القلوب]

صح لساان ابو زيد على ذا القصيدة

بكل صرااحه ماعمري حبيت حامد زيد ولا قصيدة

الا


قصيدة الاسطورة اللي هي هذي وقصيدة ياكثر مارافقت خلان واحباب والمباني والجمهرة




هذي القصايد مثل ماقلت درر لحامد



وباارك ربيس فيك عالنقل الحللو والدرري>> يعني نقل الدرة


تقبل مروري

برنسيسة القلوب