{}أبو حمـــــــــــــــد{}قصه وقصيده

[راكان اليامي]

ابو حمد احد رجال يام
مجتهد في عمله كونه شاب عملي ويساعد زملائه في العمل ويقوم بعمل احد زملائه قرب على التقاعد خدمة منه .
وفي يوم من الايام إلا وان زميله قريب التقاعد يتشمت فيه مع احد الزملاء وعلى باله بان ابو حمد غبي مايدري انه رجل مخلص وكاعادة رجال يام الاوفياء ، عالج الموضوع بحكمه وضبط النفس وطلب من رئيسه بنقله الى موقع اخر إلا ان رئيسه في البداية رفض الطلب كونه يعمل باخلاص وخسارة التفريط فيه وبعد الجيهان وافق على نقله لحبه له علماً بان رئيسة من أهل الشمال ومعروفين بالطيب قام بنلقه في عمل طيب احسن من العمل السابق ، وبعد يومين من نقله صادف الرخوم فقالوا له ليش تنقل وانت الذي تقوم بالاعمال وانت وانت ومن ذاك الكلام اللي انتو عارفينه ؟ قال لهم ابو حمد بكره ارد عليكم بالجواب الكافي وفي اليوم الثاني اعطاهم هذه الابيات التي وضح لهم عمايلهم .

يقولون خليت البحر وانت سبــاح = قلت البحر خلاه قبلي كثيريــن
ولا ذقت من كأس البحر كون الأملاح=شربت الهماج وغث ملحه عزيزين
انا لي زمان اعرف من جاء ومن راح =وأعرف النوايا قبل تنوي بيومين
وبعض العرب يفهم ويكفيه لـواح= وانا خابر اللي في بطون الملاعين
ورديت سم الكيد فالكبود دحــاح = واللي معه كبدن غدى فيه كبدين
عدو جدك مايشعبك ولا هو بنصـاح= عدوي ولي غبا العدوان لازم يبين
ولا بد من دنيا الخساير والأربـاح = وعز الله أني رباح اليوم ربحيـــن
ولا والله اجلس مجلس الذيخ والنباح = ولا يجتمع ذيب الخلا وكلبيــن

وبعدماقال القصيده اندموا ندم كثير لان العمل زاد عليهم ولا حد قام به واطلبوا الرجال بالتعذر ولكن ما فادهم .
منقول

[أبو الوليد]

لا هنت يا بو سالم على القصة والقصيدة الطيبة

تحياتي لك يالذيب

[راكان اليامي]

ولا انت

وتسلم على الرد يالذيب

[ابوتركى]

يعطيك العافيه راكان على القصه والقصيده

الجميله تحياتى لك

[ابوحمد الشامري]

لا هنت يا خوي راكان على القصيدة والقصة الرائعه بس والله اني اختلعت احسبنك كاتب فيني موضوع في الترفيه والله ذا الايام لا شفت اسمي على الشريط المتحرك ان يجيني جفال الله يستر الربع ماهوب امقصريني فيني بس استغربت قلت الا راكان بس الحمد الله جات سليمه وطلع ظني ماهوب في محله

لا هنت يا السنافي وما قصرت.

ابو حمد الشامري

[راكان اليامي]

هلا وغلا يابو تركي

والله يعافيك يالسنافي على الرد

اخيك

[راكان اليامي]

اررررررررحب يابن شايقه

وانا مستقصد اسم الموضوع عشان اخرشك شوي

[فيصل بن حجرف]

لاهنت يابوسالم
وصراحه عجبني اخر بيت
عزالله انه ماضلم حظه

[راكان اليامي]

هلا وغلا يابو عبدالله

وتسلم على الرد

[جالس بن مبارك]

لا هنت يا بو سالم على القصة والقصيدة الطيبة