الـــــــــــــــــعـــــــــــــــــامـــــــــــ ـــــــــــــريـــــــــــــــــه

[مسفر بن جوخه]

اهديها لكم.....

اقسم برب البيت قباض الأرواح=المعتلي علام عن كل نيه
اني أعشقه عشق والله لو باح=ليسوق لي روحه بدرب المنيه
يا لعنبو فكرٍ معي وين ماراح=يذكره حتى بالورود النديه
مشاعري زينتها له بمسباح=وجعلتها في وسط كفه هديه
يلعبها لا صار رايق ومرتاح=ويفلها لا صار ضايق عليه
والكحل الأسود من عيونه الى ساح=افزله فزة خوي الخويه
ما همني عمري ولا جمع الأرباح=دمعٍ حدر يبشر وأنا له سريه
اجنودها ضلوعٍ وقلبٍ اذا انزاح=يشوف من عقبه جيوشٍ خفيه
امارها عروقٍ بها حب ذباح=ياقربها من قصة العامريه
انشهد ان الحب لا غاب فضاح=يبين في وسط العيون الشقيه
ما ينفعه نصحٍ ولا طب جراح=مادام نار البعد في الصدر حيه
ليته ذكر يوم انا اسأله بمزاح=عن عزوته ويقوللي.......ايه؟
وليته ذكر طفل المحبه الى طاح=مايرتجي ياكود لمه بريه
عنوانها عطرٍ بها شوق فواح=وختامها عنده كما العامريه

[مغتـــــرب]

ياســــــــــــــــــلام


صح لســــــــــــــــانك

[ابن شتــــران]

مـشـاعـري زينـتـهـا لـــه بمـسـبـاح
وجعلتـهـا فــي وســط كـفـه هـديــه
يلعبـهـا لا صــار رايــق ومـرتــاح
ويفـلـهـا لا صـــار ضـايــق عـلـيـه

:
:

ياسلام


صح لسانك يامسفر
وحياك الله مليون بيننا

[مسفر بن جوخه]

صح بدنك يا مغترب
اشكرك على مرورك

[مسفر بن جوخه]

البقا يا بن شتران
صح بدنك...
وجودي بينكم يزيدني شرف
الله لا يهينك على مرورك
شهاتك لي فخر

[جطلي بن فهد]

ياسلام ياسلام ..


صـح لسانك مدد .. وبيض الله وجهك على ذا الجزله

ننتظر جديدك

[همس الغراااام]

صح لسانك ودمت متميزا

[قمر يامـ]

انشهـد ان الحـب لا غــاب فـضـاح
يبـيـن فــي وســط العـيـون الشقـيـه
مـا ينفعـه نصـحٍ ولا طــب جــراح
مـادام نـار البعـد فـي الصـدر حيـه

صحت يمناك ع النقل وصح لسان قايلها دمت بود

[مسفر بن جوخه]

ووجهك يا بن فهد
وصح بدنك ...
اشكر على المرور

[مسفر بن جوخه]

صح بدنش يا همس
مشكوره على المرور