السلام عليكم ورحمة الله وبركاته
آلبندري
اسمه/ذيب بن راشد بن حسن ابن الذيب الضاعني العجمي
سموه بشاعر الاربعين عشان اول قصيده كتبها كان عمره 40 سنه
وهو ماكتب الشعر الا يوم كان عمره اربعين
ولقبه اخيه محمد بشاعر الاربعين
وهو ساكن في الكويت بمنطقه جابر العلي
وهاذي وحده من قصايده <<<لبى روح ابو راشد
الضاعني غنى بحلـو ألحانـه
مثايـلٍ مـن فكرتـه وإلسانـه
مثايلٍ يطـرب لهـا المتـذوق
تدخل بقلب المستمـع وآذانـه
مثايـلٍ تبقـى لجيـلٍ قــادم
همزة وصل تربطه مع جدانـه
أغوص في بحرٍ عميقٍ هيـره
وأجيب من لولـوّه ومرجانـه
أعرف بحوره زيـن وأميزهـا
غير البحور أجيد كـل ألوانـه
إليا سريت أسري على مسحوبه
وإليا سرحت أجرهـا هيجانـه
ولي مع المنكوس بـاعٍ طايـل
اللون ذا بالـذات حـن خلانـه
أما التّرمل والحـداء مفهومـه
ذا كارنا لامن رقـص شيطانـه
ومنهج نمر عندي وانا بيطاره
القلب بيتـه والصـدر بركانـه
أما الهلالي لو يطول أو يقصـر
أهندسه وأتعـب علـى بنيانـه
أكيد أنا محسوب ضمن الخمسه
لكن مع أولهم أنـا لـي خانـه
أغوص في بحر المعرفه وأنتج
إبيـوت شعـرٍ كلهـا رنـانـه
لامن وقفت بموقفٍ لـه هيبـه
لاجاتك إبيوتـي تجـي مليانـه
زكوني إربوعي وأنا شاعرهـم
والحر ما ينهض بـلا جنحانـه
قدمت نفسي نايـب وزكونـي
عند الشيوخ وعند كـل العانـه
من الكويـت الغاليـه للـوادي
وأجنبـي لنجـران للكرعانـه
ربعي مواقفهم إتشوّش راسـي
يطرب لهم فكري وأهد إعنانـه
ياميةٍ يردون لحيـاض الوغـى
ما اقول قول الا علـى برهانـه
كم زوجوا بأفعالهم مـن شينـه
في عين خاطبها تجـي فتانـه
ياتي ولدها في الرجـال إميـز
مثل القمر لاجاك وسط أقرانـه
أكبر دليل ان الدويشِ فيصل(1)
من طيبنا غطى علـى عمانـه
حنا سلاطيـن المجالـس حنـا
حنـا رحـاة للعـدا طحّـانـه
يوم الحرايب في الحسا شعّالـه
حنا هزمنا الترك فـي ميدانـه
دستورنا ذبح الجبـان الخايـن
ما اهتزت له ذباحـه وإدفانـه
يامن بنا الخايف ونمّن خوفـه
يامن بنا غصبٍ على عدوانـه
سقنا بحد السيف غصب وقـوه
قمت سنام المجد حن عنوانـه
يعيش الضعيف والقصير بضفنا
بوقتٍ كثير الناس بـه هلكانـه
من كان عنده شك يرجع للورا
ويشوف تاريخ الامـم بعيانـه
هذا كلام الصدق ياهـل الذمـه
قبل أنطقه موزون في ميزانـه
ماهوب كلام إشويعر متغطـرس
البيت ما يبنـى بـلا عمدانـه
ما أذم وافـي الخصايـل لِلّـه
كلن على حقـه رفيـع شانـه
كلن على حده وانا لـي حـدي
كلن يحد القـوم مـن حدانـه
الزود كثره نقص مابـه شكـه
مانيب من اللي يرخص لحصانه
أرجو المعذره يا النشاما منكـم
شاعر(ن) وأمثل لابةٍ بطرانـه
تقبلي تحيااااااااااااااااااتي
28-07-2009, 09:23 PM
{ شـآعر آلآربعين ..~
العرض العادي
