قصيده غريبه من نوعها
ليست الا رثاء النفس
قيل انه كتبها احد الشباب الذي رأى في منامه انه توفى ورثى نفسه فيها
جاني وانا في وسط ربعي وناسـي=جاني نشلني مثل ما ينشل النـاس
مني نشـل روح تشيـل المآسـي=تشكي من ايام الشقى تشكي الياس
اثر الالم في سكره المـوت قاسـي=ماهالني مثله وانا انسان حسـاس
جابوا كفن ابيض مقاسـه مقاسـي=ولفوا به الجسم المحنط مع الراس
وشالوني اربع بالنعش ومتواسـي=عليه ومغطى على جسمي البـاس
وصلوا علي وكلهـم فـي مآسـي=ربعي ومعهم ناس من كل الاجناس
ياكيف سوا عقبنـا تـاج راسـي=وامي الحبيبه وش سوى بها الياس
اسمع صدى صوت يهز الرواسـي=قولو لهـا لاتلطـم الخـد يانـاس
قولولها حـق وتجرعـت كاسـي=لاتحترق كل يبـي يجـرع الكـاس
اصبحت في قبري ولابـه مواسي=واسمع قريع نعولهم يـوم تنـداس
من يوم قفوا حـل موثـق لباسـي=وعلى رد الروح صوت بالاجـراس
هيكل غريب وقـال ليـه التناسـي=صوته رهيب وخلفه اثنين حـراس
وقف وقال ان كنت يانمـر ناسـي=هاذي هي اعمالك تقـدم بكـراس
ومن هول ماشفته وقف شعر راسي=وانهارت اعصابي ولاارد الانفـاس
ياليتنـي فكـرت قبـل انغماسـي=بالغفله اللـي منتهاهـا للافـلاس
وفزيت من نومي على صوت ناسي=واصرخ واقول الموت وأحذر الناس
قائل القصيدة توفي في حادث مروري بعد يومين
(رحمه الله وأموات المسلمين )
اللهم ارحمنا برحمتك يا أرحم الراحمين
05-08-2004, 10:53 PM
العرض المتطور
