محاورة بين الـشاعرين حمد العزب و ذاير المطيري

[عذب المعاني]

السلام عليكم ورحمة الله وبركاته

شـحالكم عـساكم طـيبين

هذي محاوره بين الشاعرين حمد العزب و ذاير بن شويط المطيري

وعسى ان تنال اعجابكم .


قال ذاير ...,

ياسلامي على الحضار من هجس بالي / ردة مع رجال العرف تاخذ سراها

يا محمد نبي الطاروق مرن وحالي / كل مااركز لك الاهداف خلك وراها


قال حمد ...,

مرحبا يا مسلم عد وبل الخيالي / وكل نفس على ما قيل تعطي جزاها

تحمدالله حصلي معك وقت ومجالي / ونفسك اللي تمنى الزود ببحث خفاها


قال ذاير ...,

يا محمد لي طول عليك الجدالي / انت وشلون نوزك كان دارت راحها

انت رجل ضعيف ولا معك راس مالي / والبضايع نهار اليوم غالي شراها


قال حمد ...,

كان وقت مضى تشرب قراح زلالي / جاك وقت يلوح القاع وابعد ثراها

لا تطول بصوتك تحسب القاع خالي / كان بكرت بالمغباش غيرك سراها


قال ذاير ...,

انت ورع خفيف وتدعي بالكمالي / مثل رفل بسرعتها تنثر عشاها

لاتخيلك الدنيا بفكر خيالي / لاتعاند رجال مانت في مستواها


قال حمد ...,

انت دايم تمثل بابو زيد الهلالي / وحزة الضيق تطردك عجوز بعصاها

ونعم في خدمتك للبيت وام العيالي / حارسه كل ما راحت تزور قصراها


قال ذاير ...,

صرف اللعب من صرف الذهب والريالي / لاتحوس المعاني من عماها بعماها

انت يا ورع وش طيرك يا هملالي / الحليله بشر شرواك ناخذ رضاها


قال حمد ...,

يوم قلت محاصيلك وصابك اجفالي / والنفوس الضعيفه صار هذا جداها

من يناحي على البيبان عوبا تلالي / ما تهون لو ارخيت العصى في قفاها


اتمنى ان تـروق لـكم

[ابو شقره]

عذب المعاني لاهنت على النقل
وامتعتنا الله لايهينك بالمحاوره وصح لسان شعارها

[عذب المعاني]

ولاانـت

ولاهـنت على الـمرور

[عـزوز]

لاهنتـ ياعذب المعاني ع نقل المحاورهـ .....

وصح لسانـ العزب والمطيري ......

[عذب المعاني]

ولاانـت

ولاهـنت على المرور