السلام عليكم ورحمه الله وبركاته
جايب لكم قصيده ابداع بما تحمل من كلمه ابداع
لشاعر الكبير عبد الرحمن بن بديع الشهراني
ويقول
انا تايه قلبي ورى الحب مـدري ليـش=وانا ذايقاً من سبتـه كـل الأوجاعـي
ويا صاحبي قلبي تعامل معه بشويـش=اخاف يتفجر من ورى حدب الأضلاعي
انا بيني وبينك موده وملـح وعيـش=ومن شان كل اللي مضى قدّر اوضاعي
ترى لو تفارق دنيتي مستحيـل اعيـش=بدونـك حياتـي كلهـا مالهـا داعـي
انا مستعد اجيك لو كان دونـك جيـش=وعلشان شوفك لا تخاذل ولا ارتاعـي
تحمّلت صعبات المواقف وحملك ريش=اغامر على لقياك لـو تقطـع ذراعـي
وتقابلني بثقل وتغلـي ومـدري ويـش=أجل ليش تجعل قلبي انصاف وارباعي
مثل ما حصل بين الصحابه وبين قريش=حصل مع ضمير لا توفّق ولا انصاعي
ارده واحربه عن طريقك ولكـن بيـش=بعزم الضعيف اللي من الوقت منّلاعي
فحرام تسوي في قناة الغـلا تشويـش=اذا صرت تفهم قيمة الحـب وتراعي
وسلامتكم وتقبل ودي وحترامي
25-12-2009, 05:05 PM
العرض العادي
