السلام عليكم ورحمة الله وبركاته
ضياااع في درب الهوى ماله قياس****ياليت ربي من ضياعه وقاني
أصوم للغالي وأفطر على أجناس****ياليت من طاري النجاسه عفاني
أكبر قهر أن باعني أنسان حساس****يبيعني من عقب ماهو شراني
ماغير أنا والهم والجرح جلاس****يصب لي فنجال همه وأعاني
تعال تفداك الاراضي مع الناس****والشمس ونجوم السماء والاماني
يكفي ترى فجرت قلبي من الياس****يابعد كل اللي بكيت وبكاني
غلاك في قلبي أبد ماله قياس****لو هو بكيفي علمتك المحاني
يكفي شرف أنك معرب من الساس****عريب ساسك ياعريب المجاني
هاك الغلا صاير له شهور محتاس****محتاس كنه في غيابك عصاني
والله أحبك مالها قيود واقواس****هاذي حقيقه يوم ربي عطاني
أستنشق أوصالك مثل عذب الانفاس***ليتك تحس شوي بي ياناني
عشان أكتب لك غلايه بكراس****وتشوف بعيونك مبارك يعاني
ماهي بلحية طيب والحب منداس****أبرفعك فوق السماء من مكاني
وأجلس معك فوق الثرى عند الاحساس****وإرويك من صافي كياني حناني
لك بالغلا قدر ومكانه ونوماس****ولك بالمحبه عمر والعمر فاني
وسلامتكم
للشاعر مبارك محمد الديحاني
22-02-2010, 08:09 PM
العرض العادي
