اليكم مشاركتي الخامسه واتمنى ان تحوز رضاكم
أنا ليا من نويت ابدع حروف القصيد ***
اصير مثل الكريم اللي يرحب بضيف
ارسم جزال الشعر واصوغ شيءٍ جديد***
يامزنة هملت من بارقٍ دنو صيف
عقد تلألأ من اللؤلؤ بنظمه فريد***
في جيد من حسنها مافيه شكٍ وزيف
اسرج خيالي وعيني صوب دربٍ وحيد***
واعسف من الشرّد اللي ماتداني الرديف
وليا نويت استبيح الصمت ذاب الجليد***
وليا نويت اقطع الفرجه مأهم النكيف
وليا حكمت العباد اصدرت حكمٍ وحيد***
يقضي على اللي تروج للحديث الضعيف
رصيدي من الشعر غطى رصيد الوليد***
لاتفهموني غلط شوفوا رصيدي نظيف
باقول شيءٍ يغير نظرة المستفيد***
اللي حرم لارمله تطعم ولدها رغيف
بغداد صارت مباحه بعد حكم الرشيد***
نهارها مظلمٍ والليل فيها مخيف
تلبس ثياب الحداد السود في يوم عيد***
طول السنه فصلها واحد يسمى الخريف
واللي خطب ودّها يدفع مهرها شهيد***
لابد ماينتمي لاصلٍ عزيزٍ شريف
يانهر دجله اشوفه يبس خضر الجريد***
تبدل الحال في قصرٍ مهابٍ منيف
لساني الطلق كبلّه الزمن بالحديد***
اخاف لاترحل البصره بجنب القطيف
07-03-2010, 07:02 PM
العرض العادي
