قصيده للشاعر /محمد الشهري ...رووووعه تستحق القراءه

[اسجد لربي عجميه]

يعتريني حزن .. مدري حالة من الاكتئاب
سمة اللي ودك أصلاً.. ماتهم التسمية

المهم اشعر بضيقة صدر وشوي اغتراب
لا ذكرت اني أعيش بعصر..لا للتضحية

عصر فيه من العجب مالا يريك أية عُجاب
يعني فيه من الغرابة .. ما يثير السخرية

خل عنك التقنيات اللي يسيل لها اللعاب
انا في حاجة بشر.. ماني بحاجة تقنية

وإلا ويش الفايدة ؟ ل:اللي ركض خلف السراب
لا وصل يمه .. ولافكرة رجوعه مجدية

ينتهي وضعه مثل وضعي .. فلا ودى وجاب
عايش بروحي مع اني في نطاق التغطية

ودي ا بّدي للحظوظ المايله بعض العتاب
بس ما للحظ شغل وحالتي مستعصية

كم خسرني من حبيب وكم خسرت من القراب
والخسارة واحدة.. دام الوجيه مقــفية

ول.. يا سيف القطاعة والخصيمة والغياب
ليت ينفع فيك أمر العفو او دفع الدية

كان بمديني دفعت اللي دفعت من الرقاب
والا أطيح بقبضتك أموت موتة مضنية

لي ثلاث سنين فاقدني والاقيني مصاب
والمرض أحيان ناتج من تعاطي الأدوية

فيقطع الله من تغذوا في قفاي من الصحاب
بئس والله ما كلوا مني وبئس التغذية

كلما امنح ثقة لإنسان .. سّوى انقلاب
ناقص الا يصدر بحقي قرار التصفية

عشت نوع من التخبط في قراراتي وطاب
خاطري من كل مستقبل وحلم وامنية

لي متى؟ وأنا أعاني من توتر واضطراب
في شعوري الداخلي بين الندا والتلبية

اسمع الدنيا .. ولا ألبّي .. وأنا سمح الجناب
ردنّي عن شرها .. ديني وحسن التربية

قول كيف اصمد ؟ وأنا في وسط غابة من ذئاب
يجبرونك ع الخطا وأشياء ماهي مُرضية

صح ماهو بمنطق استسلم لمبداهم.. و أهاب
بس مانيب ( إبن حنبل ولابن تيميه)

شاعر ولو كنت صاحب فكر و آرائي صواب
لازم اضعف يوم .. قدام الحياة المغرية

والدليل إني كثير أحيان .. لا املك جواب
لو سألني أحدهم وين الدروب مودية ؟

ادري إني من تراب .. وفي طريقي للتراب
بس مدري لي متى وأنا اقترف لي معصية ؟

كلما حطيت لفراقي عن الدنيا.. حساب
فز شيطاني على نظرة فتاة ... واغنية

ليتني أذنبت ذنب وخفت من تالي العذاب
كان حالي ما غدت هالحين.. حالة مزرية

بس أجاهر في معاصيّي علشان الشباب
يعجبون بقدرتي عند اللهو والتسلية

(عفوك اللهم ) يوم يحين تسليم الكتاب
يوم ما تنفع معاه الواسطة والتوصية

يوم لا يستر عُري الآدمي لبس وثياب
وقتها تشوف الذنوب اكبر عوامل تعرية

من دموعي .. أوديه بتفيض وتسيل الشعاب
وآه يا جدب الشعاب ويا جفاف الأدوية

ف لاتسمي حالتي .. ياخوك حالة اكتئاب
هذا تأنيب الضمير إذا تصح التسمية

شوف وجهي وأنت تدري ليه ماكني بشاب
كني من كثرة ذنوبي شايب وعمري مية

[متذوق شعر]

شوف وجهي وأنت تدري ليه ماكني بشاب
كني من كثرة ذنوبي شايب وعمري مية

ياسلااااااااااام صح الله لسانه وصح ذوقش ولاهنتي على النقل

فعلا تستحق المتابعه

[اسجد لربي عجميه]

ولا انت ....يشرفني مرورك العطر ..

تسلم من ذوقك،، تحيااااتي ،

[الفريض]

صح لسانك ولسان شاعرهااا

ولاهنتي ع النقل الرائع

تحيـــــــــــــــــــــــــــــــاتي ،،

[هـزاع]

كم خسرني من حبيب وكم خسرت من القراب
والخسارة واحدة.. دام الوجيه مقــفية

اللـــــــــــــه عليــك .. صـح الله لســانك ولسان شاعرها .. ولاهنت عالنقل

تحياتي لك ..

[اسجد لربي عجميه]

المشاركة الأصلية كتبت بواسطة الفريض

صح لسانك ولسان شاعرهااا

ولاهنتي ع النقل الرائع

تحيـــــــــــــــــــــــــــــــاتي ،،

صح بدنك ..منور ..،.

ولا انت يشرفني مرورك ...تحياااتي ،،

[اسجد لربي عجميه]

المشاركة الأصلية كتبت بواسطة هـزاع

كم خسرني من حبيب وكم خسرت من القراب
والخسارة واحدة.. دام الوجيه مقــفية

اللـــــــــــــه عليــك .. صـح الله لســانك ولسان شاعرها .. ولاهنت عالنقل

تحياتي لك ..

صح بدنك ....اسعدني مرورك،،

ولاانت ،. تحياااتي

[شعوله]

وااااااااااااو ابداااع صح لسااااان شاعرها
والله يعطيكي العاااافيه على النقل
يسلمووووووووووووووووووو
تحياااااااتي

[اسجد لربي عجميه]

المشاركة الأصلية كتبت بواسطة شعوله

وااااااااااااو ابداااع صح لسااااان شاعرها
والله يعطيكي العاااافيه على النقل
يسلمووووووووووووووووووو
تحياااااااتي

الله يعافيش ....منوره بمرورش العطر ،،

تحيااااااتي لش

[أباالجيش]

صـــــــــــــــح لســــــــــــانك .. روعـــه