( غرور الكتابه ) !

[نايل الظفيري]

السلام عليكم ورحمة الله وبركاته



اعتذر عن الانقطاع , متواضعه عسى ان تشفع لنا طول الغياب

تطيح الكتابه من عيون المخاليـق=وادوّر عذر يرضي غرور الكتابـه
لقيت الشعر محتار بين الطواريـق=شبيه السؤال اللـي بليّـا إجابـه
أنا مثل من يفتح قفول الصناديـق=وأنا مثل من بيديه ناش السحابه
كأن الحزن طير ٍ ربي بالمعاليـق=وكنّ الليالي مثل قـوس الربابـه
ليا جيت أبسلى أقّبلت حزّة الضيـق=وليا راق بالي ضاق بال الرحابـه
أحّسّب حساب الطيّبـه والمطاليـق=وردي الأصل ما والله أحسب حسابه
رجل في شبابه ما يطول الشواهيق=وش الفايده لا ضاع مُجّمل شبابه
عرفت المحبّه والمحبّـه توافيـق=ما بين الرجا أو دعوة ٍ مستجابـه
رقيق المشاعر سيد كل الغرانيـق=تغيب الأوادم يوم يحّضـر جنابـه
من أيام وعيوني على بابه تويـق=وهو من ثلاث أيام ما فـكّ بابـه
تطيح الكتابه من عيون المخاليـق=وأنا لجل عينـه إحترفـت الكتابـه