|
قصيدة العوني التي أرجعت القصيم الى اصحابها(الخلوج)
الشاعر الكبير محمد العوني الذي كان شاعرا سياسيا من الدرجة الاولى والمعروف أنه مات بالسجن نظرا لتورطه بأمور كثيرة سياسية ونذكر هنا قصيدته (الخلوج) والذي استطاع بها أن يستثير (عقيل) والذين كانوا بالشام يسكنون وأرسلها لهم وهو بالكويت.
ولما وصلتهم وقرئت عليهم بكوا وصفّوا تجاراتهم بالشام وتجهزوا ونزحوا من الشام الى القصيم بقلب الجزيرة العربية سنة 1321هـ واستطاعوا استرجاع القصيم من يد ابن رشيد حيث ناصروا ابن سليم والمعروف أن (عقيل) أصلا من الجزيرة العربية وموطنهم الأصلي (بريدة) بالقصيم فنفذ العوني من هذه النقطة واستثارهم لتخليص وطنهم الأم الذي الهتهم تجارتهم عنه.. نظم العوني القصيدة وهو بالكويت مع أمراء القصيم الذين التجأوا للشيخ مبارك الصباح بعد أن استولى ابن رشيد على القصيم والخلوج هي الناقة التي فقدت ولدها فهي لا تهدأ أبدا من الحنين واستوحى موضوعها من حنين ناقة خلوج سمع حنينها وهو في قصر الشيخ مبارك وشبه القصيم بهذه الخلوج التي تحن على ولدها نختار منها هذه الابيات التي تحمل المعاني التي نقصدها.
خلوجن تجر الصوت باتلا عوالها=وان طوحت صوتن تزايد هجالها
تهيض مفجوع الضمير بحسها=تكسر ابعبراتن تحطم اسلابها
كم قلتله يا ناق بسك من البكا=ولي خلوجن خبث البين فالها
تبكين بكرتن شدة العرب=ضاعت يمين البوش ولا شمالها
تجيك يا ناق الخطا او تجينها=وان كان ضاعت لك بديلن بدالها
لا شك انا ما ظن تحصا مصايبي=ولا علتي تبرى ولا ينشكالها
لو البكا يا ناق عني يحلها=بكيت سود ايامها مع ليالها
ابكي على دارن ربينا بظلها=معلومها خشم الرعن من شمالها
دارن بنجدن جنتن كان قبل ذا=من صكته غبر الليالي عنالها
هي امنا واحلو مطعوم درها=غذتنا وربتنا وحنا عيالها
برورن بنا ما مثلها يكرم الضنا=وصولن لنا لكن نسينا وصالها
تلقا علينا الجوخ والشال فوقنا=وهي عارية تبكي ولا احدن بكالها
ولا احدن جزع من صيحته يوم صيحت=ولا احدن نشد من عقبنا وش جرالها
قلت آه واويلاه من خيبة الربا=كيف امنا تهظم وحنا قبالها
يا طارشي من فوق سراقة الوطا=هميمن اليا سارت ذعرها ظلالها
لا تعتني بالخرج ما ذي بحزته=خذ قربتك واجعل زهابك قبالها
فالى شلت خذ لي بالرسن قدر ساعة=ابلغك عن دق المسايل اجلالها
الى جيت سوق العصر تاتيك غلمة=تخثع بزينات البريسم انعالها
يقولون لك يا صاح عطنا علومك=بلدان نجد عقبنا وش جرالها
قل كل بلدان القصيم وغيرها=عن الخوف زاموا دون جاله رجالها
سوى داركم من عقبكم تندب الثرا=تبكي على الماضين وعز تالها
لعبوا بها الاجناب لا رحم حيكم=والبيض بالبلدان شتت الحالها
شبابكم تضرب على غير موجب=من عقب كبر الجاه نتف سبالها
اولاد علي اليوم ذا وقت نفعكم=لا رحم ابو نفس اتاجر بمالها
اولاد علي اليوم ما هو بباكر=قوموا بعزم الليث ماضي افعالها
الى آخر القصيدة وسلامتكم........
__________________
التعديل الأخير تم بواسطة العماني ; 30-10-2004 الساعة 05:32 AM
|
29-10-2004, 05:22 AM
العرض المتطور
