قصيده ام في ابنها المحكوم عليه بالاعدام
وأرجو أن تنال على إعجابكم
هذه
الابيات قالتها الشاعره عيده ام بدر المطيري الذي حكم على ابنها بالقصاص وقد تم تنفيذ القصاص يوم الخميس 22/3/1422 هـ
تقول ام بدر قبل اربع سنوت كان ابني بدر يدرس في الصف الثالث في احد مدارس حفر الباطن تقول حدثت مضاربه جماعيه بين طلاب المدرسه ونتج عن هذه المضاربه وفاة ابن خالها مفرج رحمه الله وقد قالت هذه القصيده تطلب من اهل الخير التوسط لدى خالها والدعاء بأن يتنازل خالها عن ابنها بدر ,,,,, تقول
يـا الله ياللـي بـاب رحمـتـك مفـتـوح
=
دوم عـلــى طـــول الـمــدا واللـيـالـي
=
يالواحـد المعبـود يـا خـالـق الــروح
=
علـمـك بحـالـي كـافـيٍ عــن سـؤالـى
=
ارحـم يتيـم بـيـن الابــواب مـطـروح
=
نفـسـه تــردد فـيـه والـجـسـم بـالــي
=
سر يا قلم واكتب جوابي على اللوح
=
وسطـر بيـوتـن مـثـل نـظـم الريـالـي
=
مـدادهـا مــن عـبــرة جـالـهـا فـــوح
=
مـن وهجـن بالقـلـب ضـيـق بحـالـي
=
وبلغ سلامي حـرب سالـم ومسـروح
=
مـن الخليـج الـى اليـمـن والشمـالـي
=
واهل القصيم ونجد والواد ابـو دوح
=
والسـاحـل الغـربـي وذيـــك الـتـلالـي
=
عينـي تهـل الدمـع والقلـب مـجـروح
=
مـيـر افـزعـوا لــي كلـكـم يـاخـوالـي
=
الورع في سجن الحفـر وامـه تنـوح
=
حـفـيـدكـم يــــا مـكـرمـيـن الـعـيـالـي
=
اتـلا العهـد بـه يـوم شالـوه مسـدوح
=
وموثـقـن فـــي محـكـمـات الحـبـالـي
=
والحكم صادر والقضا يزرق الـروح
=
وحـان ا لوعـد مــا بـاقـي الا ليـالـي
=
والله لـوانـه يــوم الاحــداث مـذبـوح
=
لنسـاه واصبـر عنـه مـع مـا جرالـي
=
وا ونتـي يـا خـال مـن داخـل الـروح
=
ونـت صويبـن طــاح والـجـو خـالـي
=
خـلـي لعـكـفـان الدنـاقـيـر مـطــروح
=
فـي موقعـن تسـفـى علـيـه الرمـالـي
=
والـعــذر مايـنـفـع ولايـنـفـع الـنــوح
=
ان كـان خالـي ضـاع فـيـه المجـالـي
=
والخاتمـه يـااولاد سـالـم ومـسـروح
=
ذبـحــة بنـاخـيـكـم عـلـيـكـم وبــالــي
=
واصل القضيه لعب ورعان ومـزوح
=
ومــا قــدر الله مــا علـيـه احتـيـالـي
=
ومصائـب الدنيـا تجـي يـوم وتـروح
=
ولواعـاتـهـا تــــدور دور الـمـحـالـي
=
والعفـو مـا بـيـن الاجـاويـد مـمـدوح
=
لـيـا عـفـو عـــن الـحـمـول الثـقـالـي
=
والصبـر بـاب لاهـل الخـيـر مفـتـوح
=
والله يـحــب المحسـنـيـن الـرجـالــي
=
من يفعل المعـروف والبـال مشـروح
=
جـــزاه عـنــد الله عـزيــز الـجـلالــي
=
هـــذا وصـلــوا عـــد بـــراقٍ يــلــوح
=
عـلـى النـبـي اعــداد وبــل الخيـالـي
05-10-2004, 11:30 AM
العرض العادي
