سكــــة متـــاهــات ..!! ‏

[مسفر ال كحله]

السلام عليــكم ورحمة الله وبركــاتـه .. واســعد الله اوقاتكــم بك خيـــر ..

يشـــرفني دعــوة احد الاخوه العــزيزين على قلبــي جــدا .. الى منـــتدى ربعـــي اللي يشــرفني
تواجدي بينـــهم ..

وهذي مصـــافحتي الاولى .. وارجو ان تنــال اعجـــابكم ..

الهوا سكة متاهات .. وادروبه عذاب = عايق ٍ لايحيي العاشق .. ولا يذبحه

والهوا .. حس .. وشعور .. وموده .. وانتساب = يمنحه ربي.. ولاغيره احدٍ يمنحه

صاحبه يمشي مع الناس في مثل الظباب = في ضميره حكي .. لكن مايقدر يشرحه

وصاحبه يشيب ..لو كان في عزّ الشباب = المفارق يحزنه ... والمواصل يفرحه

ان ضحك عنده خليله ضحك .. وان زاد ذاب = يعتبر نفسه ربح .. بس مدري شمربحه

ياهنوفٍ صابت القلب بااسهوم الغياب = مابقا لي غير ذكرى الغرام المنزحه

دام حجزش للحنايا .. ذهاب بلا إياب = ارقدي يوم الحشا لش .. فراش .. ومطرحه

واقربي واستطّـش القلب .. لبّى الاقتراب = دام شرع الواسطه فوق شرع المصلحه

وارحمي من صابه البعد .. وارداه الصواب = كل مايخفي همومه .. عيونه تفضحه

شاعر ٍ يسبح خياله على متن السحاب = كل سهم ٍ من سهوم الغلا ازرا .. يطرحه

كنّ ليلي ليل طرق ٍ خلا منه الزهاب = قوم بقعا حدّته .. والنعايم تلفحه

كل ماامسي وادفن الهم في .. جوف التراب = ماوعيت .. الا وهي في عيوني ممرحه

عاقبتني جعل مانيب عرضه للعقاب = كل جرح ٍ من سببها .. ترد وتجرحه

الخطا مني خطا .. والخطا منها صواب = والبلا حتى الزلل .. والسهو .. ماتدمحه

صرت أهاب مواجهتها .. وانا ماكنت أهاب = لعنبو جد الغلا .. مااحلاه .. ومااقبحه..!!

ان نوتني .. ضيّعتني .. على اضفاف العتاب = مثل ماتضيع المروفه .. بوجه المذبحه

وان بغتني حاصرتني .. بما لذ وطاب = واجمعتني .. مثل جمع الخرز في المسبحه

آتعجب .. كيف تقدر .؟ .. ولله العجاب =البحر ماكل من خاض موجه يسبحه

والله ان مانيب من نسل مروين الحراب = الرجال .. اللي لاجاها الخطا ماتصفحه

كان ماخليتها ..مثل ظام ٍ في سراب = لين اذوّقها من الحب .. أمرّه واملحه

ولين تعرف صدق .. بأن الهوى .. سكة عذاب = وان ماهو يحيي العاشق .. إلا .. يذبحه

وسلامتكم

[محمد المحلكم]

صح لسانك


والله يحيك

[الباشا]

الأخ الكريم

مسفر

مرحبا بك في منتداك وبين اخوانك

قصيدة رائعه

وصح السانك

[حمود بن فطيس]

دام حجـزش للحنايـا .. ذهـاب بـلا إيـاب
ارقدي يوم الحشا لش .. فـراش .. ومطرحـه

واقربي واستطّـش القلـب .. لبّـى الاقتـراب
دام شرع الواسطـه فـوق شـرع المصلحـه

وارحمي من صابه البعـد .. وارداه الصـواب
كـل مايخفـي همومـه .. عيونـه تفضحـه


الله عليك يامسفر

صح السانك يالقرم

لاهنت على هذا الابداع المتناهي

تقبل تحيات مودعك

حمود بن فطيس

[فيصل بن حجرف]

السلام عليكم ورحمة الله وبركاته

مرحبا ومسهلا بالاخ القدير مسفر ال كحله
وحياك الله في محلك

وصح لسانك على القصيده الرائعه
على أمل ان نرى المزيد من ابداعاتك

[عبدالناصر آل عبدان]

كـان ماخليتهـا ..مثـل ظـام ٍ فـي سـراب
ليـن اذوّقهـا مـن الحـب .. أمـرّه واملحـه

ولين تعرف صدق .. بأن الهوى .. سكة عذاب
وان ماهـو يحيـي العاشـق .. إلا .. يذبحـه



الله عليك يالجزل



ومرحبااابك بين اخوانك



وصح الله لسااانك


ودعتك الله

[مسفر العكشان]

صح لسااااااانك يالسمي

مبدع

مذهل

رائع

احسنت يالسنافي

وننتظر جديدك

مع الشكر

[مسفر العكشان]

صح لسااااااانك يالسمي

مبدع

مذهل

رائع

احسنت يالسنافي

وننتظر جديدك

والى المام

[مسفر ال كحله]

مــحمد المحـــلكم .. مــرحبا بك ..

صــح ابدنـــك .. ولاهنت على مرورك..



والله يبقـــيك ويسلــمك ..



تقــــديري ..

[مسفر ال كحله]

البـــاشا .. ياهلا وغــلا ..


الله يبقــيك يالقــرم ..



والشـــرف لي بتواجدي مع ربعي ..



تقديري لك ..