لاتــــــــزيــــــــد الـــخـــســـايــــر

[الجويّر]

آه يامن رمانـي واستبـاح السرايـر = راح وجروح قلبـي كلّبوهـا عطيبـه

مكّن الرمح واسبر واستصاب الضماير = دون سبّه برمح الغدر فينـي يصيبـه

قلت وقف طلبتـك لاتزيـد الخسايـر = وش جرالك وش اللي غيّرك يالحبيبـه

لاتعـلّ الخفـوق ولاتخليـه حـايـر = بين حدب الضلوع ارحم وخفف لهيبـه

ليه تلزم سكوتك ليه ترضى العزايـر = شوف قلبي تزايد من سكوتـك نحيبـه

ليه كنّك على الفرقى تسـوق البشايـر = خاف ربّك بهجـر ٍ عاقباتـه رهيبـه

الوكاد انه اقفـى واضلمـنّ النوايـر = راح من غير علـم ٍ لاذكرتـه يثيبـه

جار خلّي وخان وجور الايـام جايـر = يالله انـي دخيلـك ياعليـم المغيبـه

سلّ حالي وفكري من غيابـه نثايـر = شتت الفكر من هـم ٍ يجـي ويغديبـه

اسهر العين عقبه بالحـزن والعبايـر = والحمام ومغيب الشمس زاد المصيبـه

شين فرقى الحبايب بأنكتـام السرايـر = ضيعة اعمار وان راح العمر من يجيبه

الحزن والتكّـدر والغبـن والحسايـر = كلّبوها تجمّـع قـرد منهـي نصيبـه

يسري الليل تايه بين شـارع وعايـر = تايـه ٍ بالليالـي والمدامـع سكيـبـه

كنت بالعون داله من عظيـم الكبايـر = والهلاك وعذاب الحب ياويـش ابيبـه

بس ابصّبر لعـلّ أدّور فيـه الدوايـر = كود اشوفه يشقق من نوا الحب جيبـه

وياكسيـر المحبـه ماتفيـد الجبايـر = لو بالالمان طبّـك مايفيـدك طبيبـه

اترك الحب واترك قولة ان به ذخايـر = الهوا ماذخربه كـود لوعـه وعيبـه


وســـلامـــتــــكــــم


الشاعر/سعود رتيبان الـجـويّــر

[بحوور]

الجــويــّر



صــــــح كـــــــلك مليــــــــــوون

ولاهنـــــــــــــت ،،





أختـــــــــكـ

[الباشا]

الجوير

صح لسانك

[عـزام]

الجويّر


صح السانك ودام ابداعك

[فلاح بن ملبز]

سعود

الجوير

صح

لسانك

قصده

منتازه

مره

[الجويّر]

صــــــــــــــــــــحــــــــــــــــة ابدانكم والله لايهينكم على مروركم المتواصل












تحياتي / الجويّر

[فيصل بن حجرف]

السلام عليكم

صح لسانك شاعرنا سعود الجوير والله لايهينك على القصيده الرائعه

[الوعد]

صح لساااانك مليون ياسعود

[الجويّر]

صحة ابدانكم والله يعطيكم العافيه واشكر مروركم الدائم











تحياتي / الجويّر

[غـشـام]

صــح لســـانك .... يا الجـــويّــر

وننتظـــر جــديـدك

هــنـااا

غـشـام