السلام عليكم
قصيده اكثر منرائعه للشاعر محمد بن فطيس
واتمنى ان تحوز على رضاكم
يامرحبا يا نديب البيت بأبياته=ترحيبة اللي سِجن باللي يعودونه
اللي عقب ما أبطا بارت صداقاته=ولا صفا الا بني عمه يزورونه
اقلط وموترك ذا عطني سويكاته=من قبل اشوف الخطاب و ويش مضمونه
الموتر اللي قليلات(ن) عطالاته=ومحركاته ان راد الله مامونه
البيت بيتك أسفطه في طبيلاته=اقلط ورجعتك بأذن الله متكونه
والا تقهويت قهو اذني بكلماته=ألين يبرز عشانا ثم يحطونه
اسلم .. معك واتسمّع كم مقفّاته=ألين جا عند قولة يوم مااخونه
صح الله لسان من هذي بداياته=والله يعديه شر اللي يحسدونه
عدها عسى الله يوفقني مجاراته=وتجيه بالمسك والريحان مقرونه
والا قطع عدّك المدخن بنفحاته=فعدها ولاهي لكثير الربع ممنونه
اقلط على رزق ربي لي وخيراته=وترى المعزب مايكشف قدرك صحونه
يامرحبا جعل حلوه في معافاته=والنفس باللي جمع ذالربع مرهونه
والا بغيت الفراش .. فصح علي هاته=وارقد وانا رقدتي كم بيت موزونه
والا اذن الفجر فأروع لي مع سكاته=بنصلي ونرجع لمن تدعي ركونه
ثم فك ريقك بفصل(ن) معه فرداته=فصل(ن) قهوته ما جات في كيس مطحونه
واسمع عقب مااعتدل راسك ملاحاته=قصيدة محب بالسفطان مشنونه
والا بغيت السفر كلن ومشهاته=سافر على اللي ما كل الناس يشرونه
سافر على اللي سطاباته مراياته=واهل المراسم على غيره يبدونه
اللي يوصف بزينه و ابّريكاته=واسياته اللي ما يدري قال مدهونه
كله تماتيك .. بنصه..بابه..اسياته=بابه هله ماهوب لازم يصكّونه
وكانك توقف خطا .. اترك محاتاته=الشرطه اللي يشوفونه ويعفونه
له هيبة اللي مايدري كم عماراته=والا شراه الفقيّر كثرت ديونه
مامون بأذن الولي من عرض رنقاته=وهو منوة المنكف اللي هله يتنونه
من طافه المرسدس يكثر تلفّاته=جميع من طافهم لازم يغطّونه
ومعيدك الحوت له فرق(ن) على امّاته=سواقه الغيد لو هو شين يهوونه
تدل ابو سمره وتعرف اجراءاته=ولا تحسب انهم الا ابطو يلدّونه
لازم لأنه جديدات بياناته=في الكمبيوتر لزوم تحط مخزونه
وسلوى اذا ماطلبو من عندك اثباته=رقمه كذا من الشباك يقرونه
لو انه في ليل يا محلا انبيراته=واللي معه في طريقه مايماشونه
والا دخلت الحسا فأروع لـ . لفاته=واهل الدداسن تحمل لايحوشونه
ليتاته الزرق .. أسميها فلاشاته=تروّع اللي سنا الرادار يخشونه
لا جيت للخفجي وبانت علاماته=ازهم على عبيد يوم انهم يعزونه
ولا النويصيب نزل بس جاماته=ربع وبني عم والنشمي يعدونه
والشارع اللي كثيرات مساراته=قدك ابخص اللي يمرّونه وياطونه
نصّه رفيق(ن) بيحرجك بسلاماته=كريم واللي وزانه مايملّونه
يغيب لكن مكانه من كراماته=مليان من كثر ضيفان(ن) يرودونه
ياجعل يفداه من ضيفانه ان جاته=تاتيه وتوادعه ماشافت سنونه
قل له يحافظ على باقي دراساته=والا بغا جَيّ مضنونه .. فانا عونه
وسلامتكم
31-05-2007, 04:40 AM
العرض العادي
