اتحداكم يالعجمان جميع ....

[ابن ظـــافر]

عبر صفحات نت اللي تبث لساير الآقطار
يجيني الشاعر اللي يدعي بالشعر مامثلـه
العجمي يقول إنه هو الريس على الشعار
وانا ذا اليوم وقبل الصوم أبا أغله وأباأعِلِه

[فــلاح]

ماشاء الله عليـك , لك مستقبـل باهـر بس عندي ,

ملاحظـه بسيطـه من شخـص بسيـط عنـدك كسر

بــ .. الشطر الأول من البيـت الثاني , وعندي

نصيحـه أخويـه ولا النصيحه قدام الناس فضيحـه,

على العموم اذا بتقبلها دز لي رسـآلـه خاصــه

والساعه المباركـه ..

تقبـل مروري المتواضـع

طويــق

[المصطفق]

السلام عليكم

ابن ظافر

اتفق مع الاخ طويق على الكسر ولاكن اختلف معاه على إن لك مستقبل باهر

لان عقب التحدي هذا على قولتك تحدي (ضاااااااع مستقبلك)

تحياتي و تقديري

للجميع

[فــلاح]

المصطفـــق مو أقــولـك نقــدك مو بنـــاء ..
هههههههههههههههههههههههههههههههههههههه

وترى محد طلـع من بطـن أمـه عالـم ويمكـن الرجال في
بداياتـه , ويبي يخوض التجارب كلهاا ..


تقبلوو تعليقي البسيـط ..

طويــق

[المصطفق]

طويق


وشدعوه يالشايب تراك حوله حتى انت في بداياتك عط عمرك العافيه

والنقد البناء للي مواريه تبشر بالخير مهب من هب ودب


وترا عادني عند كلامي


ارنبٍ ترندبندقت جاوها المترندبندقين ورندبندقوها



تحياتي

[فــلاح]

أولا ً : أنت رجــال تجـي كلـك وانت مأنت فاهم اللي يكلمـك وش يقـول ,

ومن قالك أني شايب , ومن قالك اني ماني في بداياتي , وأنا ترى ماطريت

أني شايب , بس هذا دليل أنك جايني كلـك ..

ثانيــا ً : انا اتقبل النقد الصحيح بس خلاص منك انت ماعادني متقبل نقـد ,

لأنـك أنت هدفـك توصل معلـومـه أنك تعرف كل شي وانك افضل من الشعار ,

وهــذا أن دل يدل .... إلخ

ثالثا ُ وأخيرا ً: الشعــر ماهو بالعمــر ياطويــل العمــر ...


<_ ماله خلق يكتــب

طويـــق

[المصطفق]

طويق

الظاهر ان التحدي صار بيني وبينك

انا صحيح اعرف كل شي بس مانيب افضل من الشعار كلهم فيه اثنين افضل مني لاكن انشالله

اتفوق عليهم مستقبلاً ماتدري


ولا همني تقبلت النقد ولا ماتقبلته المهم اني اقول رايي الشخصي بكل صراحه

رضيت ولا مارضيت بعيداً عن التجريح طبعاً


انا اشوف ان الشاعر كل ماكبر يكبر شعره معه يعني الشعر بالعمر بكره تكبر وتقول

صااااااااااااااادق المصطفق



تحياتي

[فهد بن مطلق]

سلام الله عليكم جميع


صح الله السانك يابن ضافر ولا هنت على هالابيات الي اكثر من رأعه


لاكن هالله هالله فالوزن نفداك




اخووي طويق مرحبابك صحيح الكلام الي قلته محد طلع من بطن امه عالم



المصطفق على الهوووووون نفداك وش ذالكلام الي اتقوووله انت اتكسر مجااديف الوااحد وشلون ضااع مستقبله انا اجزم ان بداياتك نفس بداية بن ضافر



ونكان في اشكال بينك وبين طويق قدم معروووضك



يابن ضافر صح السانك مره ثاانيه وترااني متابع

[فــلاح]

الصراحـه أن كنــت مقصـدك تحـدي أنا اشوف ان التحـــــــدي

ما وراه فايـده , ويخلي الشخــص يكــابر ولا يعترف بالحقيقه

ومع احترامي تراك ماتعرف كل شي , لأن الي يعلم بكـل شي

الله سبحـانه وتعالى , وكلمتـك هذي دلــت أنك مانت عارف كل

شي , بس على العموم من خلال كلامـك , دريت انك مغرور

وتهضـم حق الشعاار الاخريـن من شأن نفســك ..

وعلى العموم انا بعد مايهمني أنتقــادك لأني أتصورّ انك تنتقد

لأهـداف معيـنـه والله أعلــم ..


والله الكلام اللي تقـول ماهو بـ .. كبر همـي على شأن أتذكـره ..

بـس أنت ماشاء الله عليــك تمشي على مقـولـة ..( خالف تعـرف)



طويـــق

[المصطفق]

حفيد الشكاله


اكيد اي واحد يتحدى العجمان هذا ضايع وانا مانيب اكسر مجاديف واي شاعر راح ينزل بيت

مكسور ماراح اسكت او اجامل ابيوته امكسره يلعب بعيد لايجي اداحم الشعار في الميدان

يروح لمنتدى المحاولات الشعريه

وانا ما اشرهه عليك ولا عليه اشرهه على المشرفين

وطويق مابيني وبينه الا كل احترام وتقدير



طويق

انا اتكلم عن الشعر ماتكلمت عن الكون والدنيا موضوعنا الشعر وانا اعلم كل شي في الشعر

بعدين من الشعار اللي هضمت حقهم تفضل عطني اسامي الشعار لاتقعد تزود وتنقص

في الكلام


وبالنسبه للاهداف مالي اي هدف من وراء الشعر والشعراء

اهدافي سياسيه


تحياتي و تقديري