((( راكــــــــــــــــــان بـــن حـــثـــلــيـــــن )))

[عادل آل عمر]

بسم الله وبالله والصلاة والسلام على رسول الله واله وصحبه ومن والاه من اليوم الى يوم الدين

راكان بن حثلين

الفارس والامير والشيخ والاسطوره الذي لاتزال وستظل الى الابد



رجل لايشبهه احد ولايضاهيه احد عاش في زمن الحروب والصراعات والمعارك الشرسه واستطاع
ان يضع لنفسه ولقبيلته مكانة العرش في صدر التاريخ


غني عن التعريف وقد كتب له الشعراء وصدرت له الكتب وانا لقناعتي الذاتيه في انه يجب ان اكتب عن هذا الفارس الشجاع الحكيم الفذ الامير فقد كتب بضعة ابيات اتمنى ان اكون وفقت فيها ..

غر السحاب وماقف السيف شامان=في لازمي يااهل الوجيه السفيره
مثل الصفوف اللي لها في الفخر شان=والها من العود المعتق عبيره
والحمد لله شاعر وعندي لسان=ولسان قوم العز قاد المسيره
سلام ياتاج الفخر يابليهان=سلام ياراعي السيوف الشطيره
راكان بن حثلين وان قلت راكان=يرتج عرش املوك .............؟
يوم الشداد اشداد والحرب برهان=السيف في الماقف يودع جفيره
دولة فخر تكتب على مر الازمان=راكان هو زيزوم يام واميره
والوصف عند الاكلبي وابن جدلان=شاعر ضمير وكل قاف وضميره
وانا تعديته وليل الشعر زان=في حضرة اللي تذكره كل ديره
سوالفه تاريخ وافعاله اركان=للدولة اللي في اللوازم ذخيره
قصايده ياريحة المسك ريحان=ومواقفه في أقسى المعارك شهيره
للخيل خياله وللصيد شهيان=وللمجد طلابه وللطيب سيره
ديوان مجد ويكتبه كل ديوان=شجاعة جابت علوم ن مثيره
( في دولته مافيه شورى وتيجان)=( الحرب شعبه والمخضب وزيره )
غاره وزرق ارماح والراس بركان=والارض جن ونار سم ن سعيره
والموت سلم ويارد الموت شجعان=والمعركه مثل الرحى المستديره
تطحن جماجم والقضا ماله اثمان=والثار ينزع والقبايل مغيره
ويام العريقه في الوغا تكسب ارهان=كم قوم عادتها وترجع كسيره
وراكان كنز المدح والفعل برهان=والاتراك تشهد والمواقف خبيره
وتشهد قبايل نجد وتفز نجزان=والارض تشهد والمواقف غفيره
ونوادر القيفان تشهد والاوزان=تصهل فخر وتعانق الطيب غيره
وتميز اللولو وتكسيه مرجان=وتشرب فناجيل القصيد الخطيره
كله لعينا يام ولعين راكان=ولعين قوم ن في عيونه كبيره
وان ثارت الهيجا شياطين الالمان=تدفن جيوش اهل الوجيه الحقيره
ذولا عيال اهشام عجمان عجمان=ومال الكبار الا الفعول الكبيره
وشاعر حميا يام في مدح راكان=ياقف مواقيف الزعيم الشهيره
ويطوع المعنى كذا دامه احصان=والحر طيره والربل فال جيره
وراكان بن حثلين لاقلت راكان=يرتج عرش املوك ..............؟

[فهد بن مطلق]

عادل


يااااااااسلام صح السانك على هالقصيده الي اكثر من راائعه


والشيخ ركان يستااهل وغني عن التعريف


على العمووم لاهنت ،،وتقبل مرووري

[كميّخ الهاجري]

راكان بن حثلين وان قلت راكان
يرتج عرش املوك (شبه الجزيره)؟




ياسلاااااااااااااام علييييييييييييك




كفو كفو يابني يام كافه تستاهلون العلم الغانم والطيّب.




عز الله إنها قصيدةٍ جزله ومن راس شاعرٍ جزل.



صح الله السانك مدد بلا عدد.



تقبّل مروري.



أخــــــــــــــــــــــــــــــــــــــ(كميّخ الهاجري)ــــــــــــــــــــــــــــــــــوك.

[البندري العجمي]

مشكووور اخوي ع الموضوع

[البليهي]

راكان بن حثلين وان قلت راكان
يرتج عرش املوك (شبه الجزيره)؟

لاهنت يا شاعرنا عادل


وبيض الله وجهك على ذالجزله


وافنا بجديدك

[مــشــعــل آل زميكان]

راكـــــــــان بن حثــلين ابينا وجدنا
واميرنا وشاعرنا وفارسنا ... ألــخ
ومـشكوووور على القصيدة اللي
تنقش من ماء الذهب
والله انه وقف شــعر iiiiiiراســـي
يوم قريتها تقــبل مروري

[ال محفوظ العجمي]

وان ثارت الهيجا شياطين الالمان
تدفن جيوش اهل الوجيه الحقيره
ذولا عيال اهشام عجمان عجمان
ومال الكبار الا الفعول الكبيره



صح لساااانك ... ولاهنت يالقرم

[GUCCI]

كفووو


صح السانك طال عمرك

وبيض الله وجهك على ذا القصيده اللي تنومس


لا هنت يالذيب

[الرايقه]

ارحبو ياعصبة راسي مشكوراخوي عالموضوع الاكثرمن رائع

[عادل آل عمر]

المشاركة الأصلية كتبت بواسطة العود

عادل


يااااااااسلام صح السانك على هالقصيده الي اكثر من راائعه


والشيخ ركان يستااهل وغني عن التعريف


على العمووم لاهنت ،،وتقبل مرووري

اررررررررررحب



وصح بدنك