الــسـلام عــليـكم
يســعــد صـباحـكم 
عـجبـتـنـي وأتـمــنى تـحــووز ع رضـاكم واعـجــاابـكـم !
:
وش الطاري عقب ذاك الغياب اتدُور اخباري=وانا اللي ما نسيتك يوم وأنت مضيع دربي
غريبه كيف حن القلب جابك وانت متواري= وانا اللي اشفق لشوفك واخليك دايم بقربي
طعنت القلب بسهوم الهجر ماعندك اعذاري=وبعد طعن المشاعر من صدودك جيت تشعر بي
نسيت الحب في لحظه ولا لك بالوصل طاري= وانا اللي اذكرك لا هب نسناس الهوى الغربي
نسيت احلى ليالينا وانا ابدع فيك الاشعاري= واجر الصوت من شانك وقلبك بالهوى طربي
تذكر يوم تتغلى وألد بعينك انظاري = تذكر يوم تحلف لي بأنك حيل تفخر بي
تذكر يوم تزعلني وتشعل بالحشا ناري= تذكر كيف في غيابك اذوق الهم والكربي
تذكر يوم ترضيني وتمسح دمعي الجاري= تذكر يوم اسامح كل زلاتك وتغدر بي
عقب هذا تبي ترجع واعيد الهم في داري= انا ماني على كيفك تواصلني وتقصر بي
كفايه ما جرالي في الغياب ورحلة اسفاري= تخاويني هموم الكون في زادي وفي شربي
اقول ارحل واخذ حبي معك نصبن وتذكاري= وببحر بك وسط غبه بحر من قبل تبحر بي
ابيك تذوق معنى الهم واخذ بالهوى ثاري = ابيك تحس في طعم الهزيمه من سبب حربي
وكريم اللي خلق غيرك يبدل وضعي الجاري = يعوضني بديلك شخص صادق صدق يشعر بي
وـوـو ســـلأامـتـكم
حــسـن بــن عـلي الـهـااجـــري
تـرانـي تـعبت وانا أكـتبها لازم تـعجبكم 
19-10-2007, 02:27 AM
العرض المتطور
