قصيدة: للسديري

[مخباط]

]ياليت من عنده ابيات على هذا البحر يذكرها..حتى لايندثر هذا البحر الجميل الصعب.اهداء مني لكم..بعض ابيات من قصيدة للأمير محمد السديري..وللعلم هذا البحر هلالي قصير..ولايطرقه الاقليل من الشعراء للصعوبته:
ياعين باسم الله كفي من البكا=لك من رجوع الضاعنــــــيـن شفيع
اليا نهيت العين عن ذرف دمعها=يكب دمـــــع المقلتــــــــين سريع
يجيبها قلبي على حر وجدها=الكل منهن بالغــــــــــــــــــرام صريع
تذكرت ابوبندر على الكود والكدا=حيدن على كل الحيــــــــود رفيع
الدار من عقبه محى الهجر رسمها=بها البوم بالصوت الرفيع يذيعsiz

[فيصل بن جزاء]

لاهنت على الاختيار الجميل للامير محمد السديري رحمه الله

[مخباط]

شكرا على المرور اخ فيصل.......

[مخباط]

وين عشاق بحر الهلالي

[معشي الطرفى]

..

ياعين باسم الله كفي من البكا=لك من رجوع الضاعنــــــيـن شفيع
اليا نهيت العين عن ذرف دمعها=يكب دمـــــع المقلتــــــــين سريع
يجيبها قلبي على حر وجدها=الكل منهن بالغــــــــــــــــــرام صريع
تذكرت ابوبندر على الكود والكدا=حيدن على كل الحيــــــــود رفيع
الدار من عقبه محى الهجر رسمها=بها البوم بالصوت الرفيع يذيع


الله يرحمك يا ابو سلطان

وبيض الله وجهك يا مخباط

على النقل الرااائع

لاهنت

[مخباط]

تشكر على المرور والاطراء اخ معشي....لكن ماقلت لي رأيك في بحر الهلالي..واذا عندك ابيات على هذا البحر ممكن تتحفنا بها

[معشي الطرفى]

ابشر بعزك يا مخباط

والبحر الهلالي من اجمل بحور الشعر واقدمها

وكتب عليه الكثير من الشعراء .. وفي هذه الفتره بدأ يندر بالفعل

والابيات على هذا البحر كثيره وانا بأجيب لك ابيات اعتبرها شخصيا ً من أجمل ماسمعت

وايضا ً هي من شعر احد شعراء العصر الحديث

وهي لـ الشاعر / خالد مدعث الدوسري .

يقول :

و قلبي اللي لايع البعد لايعه = قلب ٍ خذت سود الليالي بضايعه
اليا زهم عيني بغالي دموعها = جاته عيوني بـ أزرق الدمع فايعه
قلب ٍ همومه كل يوم ٍ مغيره = صكت على عرشه وهدت قلايعه
جت له مثل ، سرب الجراد التهامي = تشرب معاليقه ، وتآكل زرايعه
و كنّ الحشى من حرّ مابه ، يمزّع = بسيوف هند ٍ تودع الروح زايعه
و لا ، بـ نيبان السباع الموحشه = ضواري ٍ من ستة أيام جايعه
ذا حال من حاله تربت وصارت = ما تقبل الا من فوايد ذرايعه
الذل .. ما يحتاج طرد وتعني = و العز .. عسر ٍ مهلكات ٍ وقايعه
ولا فيه عز ٍ .. ما تداوى جروحه = ولا فيه ذل ٍ .. قد تداوت وجايعه
الله واكبر يا زمااان تغير = شريت فرخ البوم ، و الحرّ بايعه
وقت ٍ على الأنذال .. ستر ٍ مضفّى = ولا على الأجواد .. تظهر فجايعه
عام ٍ مضى ما كنّي إلا مجلى = أشوف من صكات وقتي روايعه
متنقل ٍ مابين ديره و ديره = رجلي على حكم المقادير طايعه
أقوي اعزومي بنفسي و أسوقها = في دبرة اللي ما يضيع ودايعه
بس اتفكر ، و اتذكر ، و اهوجس = و استرجع ايام ٍ على القلب رايعه
ماعاد باقي غير تالي رسومها = عهد محت سود الليالي طبايعه
حطّوه في قبر ٍ عليه النصيبه = واقفى مثل ، شمس ٍ من الليل مايعه
لو بـ أشتكي ما سرّت القلب شكواي !! = شكوى ٍ لغير الله يا ( فهيد ) ضايعه
من أول ٍ مابين ربعي و ديرتي = و اليوم قلبي لا يع البعد لايعه

..

وسلامتك


اتمنى انها اعجبتك .. وابشر بغيرها يا كحيلان

ومشكور على طرحك الرااائع

[مخباط]

شكرا على تجاوبك السريع...وهذا البحر هلالي طويل..واختيارك جميل