قصيدة أعجبتني للشاعر مهدي سميطان

[سالم ال مريح]

يافاتنة ماني حضاري مثـل مانتـي تحسبيـن.


قصيدة للشاعر مهدي هادي سميطان آل مطيف


يافاتنة ماني حضاري مثـل مانتـي تحسبيـن* لكن تحضرنا بعـد ماهـي غزتنـا العولمـه
بس الحضاري عندنا يابنت يسكن بيـت طيـن* واكثـر منازلنـا تلاقيهـا خـيـام مهـدمـه
ولا المبانـي غاليـه جـدا مثـل ماتعرفيـن *والبيت يبغى لـه دراهـم والدراهـم معدمـه
وشيبانـا صلفيـن جـدا فـوق ماتتصوريـن *متعلمين بـس تلقـى كـل شخـص بمحزمـه
قالت وش اللي تقصده في قولتـك متحزميـن* ترى الكلام اللي تقولـه جـد ماعـدت افهمـه
قلت العفو نسيت بانك فـي امريكـا تدرسيـن *وانك غديتي فـي الخفـظ متطـوره متعلمـه
معنـاة كلمـة محتـزم مفهومهـا متبندقـيـن *يعني كما ربط الفنايل في الخصور المشحمـه
قالت فهمت القصـد يعنـي ربعكـم متجنديـن* يعني رفاقتكم على حمـل المسـدس مرغمـه
فاقول يابنت اركدي وش فيك مانتـي تفهميـن* حنا رجال مـن خلقنـا الله نعيـش بمكرمـه
جعلش على ربعي نذر ماهمنـي لـو تزعليـن* ربعي تراهم في الشدايد مثـل نـار مضرمـه
قالت ومن هي ذي نذر اسمها شين فـي شيـن *واضح كذا انك كنت تعشقها وهي بك مغرمـه
فاقول لا والله بـدا واظـن شكلـك تمزحيـن* نـذر تراهـا كلمـة ماتفهـمـي يامسلـمـه
انتي علـى ماظـن انـك للسواقـة تعرفيـن* قالـت نعـم سيارتـي لكـزس وزود مغيمـه
فاقول ماعمـرك بغيتـي يالجميلـه تصدميـن* ثم راح ابيك وجاب لك كبش هاثم سيـل دمـه
قالت وش اللي تقصده وضح ترى مافهمت زين* الكبش مـن انـواع الانترنـت او مستخدمـه
فاقول كذابـه تـرى ماهـو بزيـن تكذبيـن *الكبش ذا يطلع فحل للضـان وانتـي مجرمـه
قالت وش اللي تقصده بالضان جاوبني بحيـن* اكيد تقصد به عبـارة عـن كـروت مرقمـه
فاقول يابنت اسكتي محلاش وانتـي تسكتيـن* يانعبنـو جـد الحضـاره والسفـر والعولمـه
قالـت حكاكـم ماعجبنـي يابـدو ياجاهليـن *روح كذا من قبل ما البابا يجـي ولا ازهمـه
قلت العفو نسيت بانك فـي امريكـا تدرسيـن* وانك غديتي فـي الخفـظ متطـورة متعلمـه