ذعاذيع الجنوبيه

[ابو راكان *]

اقدم بين ايديكم هذا النص المتواضع

واتمنى ان يلاقي استحسانكم

تعيصب ياقلم واحسب حسابك وانزل الميدان = وشد حزامك الموقف صعيب وكبرت الهيه
نواقيس الخطر دقت تعزوى يوم وقتك حان = تخير من اصيلات المعاني مهرتن حيه
ومن جيشي تخير ندر الافكار والقيفان = وطعم صفكم باوسع خيال قطع واليه
وقايد تلتهب وسط الحشا واستوقدت نيران = يزيد احراقها عمسة ذعاذيع الجنوبيه
سناها محرقن اوتار صوتي وابتدى الكتمان = وجت فزعة عيوني وغرقت من حر مافيه
وقلبي منحني حنية شجاع حدته الازمان = ولابيح سدوده لا ولا بانت خوافيه
تداعت له جميع اعضاء جسمي يوم حاله شان = تداعت بالسهر ثم صابها السقم وبلاويه
الين اصبح بناني من صواديف القدر ذبلان = خريف ماعرفت بمبتداه ووين تاليه
ومن باب البليه شرها يضحك ضحكت وبان = على وجهي ملامح من طواه الحزن في طيه
ولكني عرفت ان الزمن من طاوعه خسران = يحد العاقل لتغيير رايه في مباديه
وعرفت ان الرجال بلا مباديها سواة الضان = تقاد بلاقرار يقطع الشك وهقاويه
لكن انسان يقبل بالفشل هذا ماهو بانسان = ياويش انسان عايش بيننا من دون شخصيه
ولكن الضروف احيان تجبر بعضنا احيان = على جعل الحوار بكل رمزيه وسطحيه
ولكن ياقلم سجل على ظهر الورق عنوان = يبين ماخفا بين السطور ويصلح النيه
قبول المرء للواقع يعد من اضعف الايمان = ومن يرفض سواتي يتهم بالانحيازيه

وسلامتكم

[محمد المحلكم]

صح لسانك جزل

[ناصر البرغش]

الله الله

صح الله لسانك يا خالد


جزل وماتجيب الا الجزل


اعجابي ومتابعتي


تحياتي

[ابو راكان *]

المشاركة الأصلية كتبت بواسطة محمد المحلكم

صح لسانك جزل

هلابك

[مسفر بن حمران]

صح لسانك يا خالد ولاهنت يالقرم

[مشاعر حالمه]

خالد العجمي

صح الساااااااانك رائعه رائعه لاهنت

تحيتي لك / مشاعر حالمه

[عبدالله بن فهد]

صح لسانك

اخوي خالد

ومعاني جميله

تقبل مروري

[ابو راكان *]

المشاركة الأصلية كتبت بواسطة ناصر البرغش

الله الله

صح الله لسانك يا خالد


جزل وماتجيب الا الجزل


اعجابي ومتابعتي


تحياتي

ارحب والله اني صادق يابو سعد


صح بدنك طال عمرك


اشكرك على مرورك

تقبل تحياتي

[فيصل ال رشيد]

لاهنت وبيض الله وجهك

[طفلته]

صح لسانك يالسنافي