التحالفـات .. و قبيلـة العجمـان ..

[ناصـر محمد المجروب]

السلام عليكم ورحمة الله وبركاته ..

اسعد الله اوقاتكم بـ كل خيـر ..


في الدائره الخامسه هناك تحالفات لاحت في السماء الانتخابيه ..

وهي تحالفات لا يستهان بهـا وبـ عددها ..

ومنهم التحالف :

1- قبيلة عتيبه ..

2- قبيلة بني هاجر ..

3- قبيلة مطيـر ..

4- قبيلة الدواسر ..

ويأتي بالمقابـل إنشقاق في قبيلـة العجمـان ..

اذا تمت الامور بـ مثل الانتخابات الاخيـره ..

أؤكد بأن العجمان سيأخذون كرسي او كرسيين ..

وهذا الجدول يبيّن مدى قوة التحالف الي ذكرته ..




الله الله بالمخرجات الطيبه بالتشاوريه ياوجهاء القبيله

نريد من له قاعده خارج نطاق القبيلـه ..

وغير هذا نريد الالتزام وتوحيد الصفوف ..

تقديري ..!

[الـعـابـر]

السلام عليكم ورحمة الله وبركاتة

لاهنت يابومحمد على المجهود

[ابوحسن الشامرى]

لاهنت يا بومحمد

والمخرجات تعتمد على ربعنا وعلى اللى بيزكونهم
الله يوفقنا باللى فيه الخير


وعسى الله يعدى الامور كلها على خير

[FS. Eng]

المشاركة الأصلية كتبت بواسطة ناصـر المجروب

السلام عليكم ورحمة الله وبركاته ..



الله الله بالمخرجات الطيبه بالتشاوريه ياوجهاء القبيله

نريد من له قاعده خارج نطاق القبيلـه ..

وغير هذا نريد الالتزام وتوحيد الصفوف ..

تقديري ..!

ناصر كفيت ووفيت وبيض الله وجهك ولا هنت

لكن عسى الله يستر اذ نرى الانشقاق من الآن يبدأ بالطعن والتلميع

الله يستر من الجاي

[هـآمـ آلـسـحـب]

ناصر لاهنت وبيض الله وجهك

[مـحمـد]

السلام عليكم ورحمة الله وبركاتة

لاهنت يا ناصر وهذه احصائية نشرت العام الماضي يقال ان مصدرها مجلس الوزراء

وان كانت نسبيه الا انه يجب الاخذ بها في الحسبان

على كل حال نتمنى الاربع كراسي في الخامسة

.

[محب الدين]

نشرت بعض الجرائد اليوم أن الدائرة الخامسة ستشهد تحالفا قبليا بين مجموعة من القبائل

بين الهواجر والعتبان والمطران

خاصة إذا علمنا أن العتبان اتفقوا على مرشح واحد

ويمكن يدخل معهم الكندري

وسؤالي:

هل سيؤثر هذا التحالف على مرشحي قبيلة العجمان؟

وكيف يمكن التحرك لفوز مرشحينا ؟

[FS. Eng]

والله يا محب الدين الله اعلم

خلنا نشوف
مطران 6423
عتبان 6198
هواجر 4734

المجموع = 17355

والعجمان 16819

يعني هذا اذا التزموا بالتحالف

صفا لنا الفضله ..وهو اخر كرسيين

أو في حل !!

يصير الحضور هالسنه غير عن كل السنين

ومانبي الي صار العام يتكرر

حنا ما نحضر عشان نأكد فوزنا

ننطر منهم غلطه او نقص عشان نطلع

[مزاجي والراس عالي]

اذا تكلبوا يام ..

وفزعوا فزعية ياميه ..

صدقوني مايسقط عجمي واحد ..

جعلهم المعزه كلهم ..

[ابوحسن الشامرى]

الحسد آفه تنخل بالقلب قبل الجسم


بلاشك ان التحالف المتوقع احتماله وارد
وهذا التحالف سوف يؤثر على
كراسينا الاربعه فى حالة عدم التكاتف وعدم الحميه المطلوبه


اتمنى من العقلاء ان يدركوا الخطوره القادمه

والمطلوب هو عدم التخلف عن الحضور للترشيح فى يوم الاقتراع
اكيد المتوقع من بعض العينات ان لاتحضر الانتخابات الرئيسيه
وخاصه بعد ان تتضح الصوره لمن هم ممثلين القبيله فى الايام القادمه
انا لااتفق مع الجميع ان الكل سوف يكون راضى عن ممن تختارهم القبيله

لكن خشمك خشمك لو انه اعوج
والله مال الرفيق الا رفيقه ولا ابن العم الا ولد عمه
هذا ان كانت الحميا موجوده ويا حلوها لكانت حميا دين وحميا مرجله
وانا بلا شك متفاءل بربعى وعزوتى وبنى عمى انهم على قد الهقوى
لازم التكاتف ولازم التعاون
والله يبعد الحسد عنا جميعا
والله يوفق ممن تختارهم قبيلتى
وانا معاهم بالحلوه وبالحلوه لانى متيقن ماعندنا الا كل خير