هذه قصيده جميلة للشاعر المبدع عبد الله بن عبيان اليامي
الـنـور شـعـشـع يـا ديـار المجد وديار السلام=والـتـم شـمـل اهـل الـقـلـوب العامره بايمانها
الـمشهد ابلغ من حدود الوصف وسمان الكلام =فـي بـيـت مـن حـفظ العهود الماضيات وصانها
شـيـخ ورد الـمـكـارم والـولا وردالحيام =الـصـدق مـبـدا والـمـبـادي ثـابـته ماخانها
يـا مـرحـبـا يا سيدي ترحيبه تجلا الغسام =فـي لـيـلـه تـبـاشـرت فـي جـيـتك شيبانها
يـامشعل ابن سعود ياللي في يدك حبل الزمام =يـاراعـي الـبـيـرق لـيـا شـب الوغي ميدانها
انـت تـلالا مـثل نجم سهيل من فوق الغمام =يـابـن الـمـلـوك الـلـي تـشـيـد بالوفا بنيانها
يـوم الـمـخـافـه والديار قفار والدنيا ظلام =مـا هـمـهـم سـاقـوا الـركايب واشعلوا نيرانها
عصبه هل العوجا ليا اهتز الصليب من العظام =سـيـوفـهـم تـبـرق وصـحيات الظفر عنوانها
يـا يـام يـا هـمدان يا ربعي هلي يايام يام =الـيـا ارتـفـع صـوت الـعزاوي واشتبك دخانها
يـا مـرخـصين الروح دون الحد يوم الزحام =يـااهـل الـمـهـار الـلـي ينومسها فعل فرسانها
قوموا وارفعوا البيضا لبو فيصل معزه واحترام =وقـولـوا لـه انـه تـاج نـجـران وسـند سكانها
يـا سـيـدي والعفو عند المقدره طبع الكرام =الـلـي رفـع ربـي مـنـازلـهـا وعـلا شـانها
نـنخاك باسم اللي اختنق بالدمع من قبل المنام =عـود فـقـد غـالـي وفـاضـت عـبرته باحزانها
شـوفه قصر ويجر صوته مثل نايحت الحمام =قـام يـتـلـفـت لـلـجـبـال الـلي بكت وديانها
يـصـيـح بـاسمك وانت مشعل مشعل اللي مايضام=الـقـول قـولـك والـقضيه في يديك عـنـانـهـا
يـكـفيـك لامـنـه رفـع كـفيه في البيت الحرام=مـن دعـوته سبع السماوات اشـرعـت بـيـبانها
يـا سـيـدي ما فات مات نقولها في كل عام =حـنـا مـعـك نـرفـع مـبـانـيها على عمدانها
ارفـع حجاجك في نهار الضيق حنا لك حزام =حـنـا لـهـا لا شـمـرت قـوم الـردي سيقانها
عـيـونـا مـواطن سموك دوم ياعالي المقام =لا ذعـذع الـبـرد الـتـحـف يـا سـيدي باجفانها
وسلامتكم
18-09-2004, 01:06 PM
العرض المتطور
