أسعد الله اوقاتكم جميعا...
قصيدة أكثركم يعرفها ويعرف شاعرها لكن تستاهل القصيده هذى بالذات ان تنشر أكثر من مره.
يا عظيمة كل شى له حدود وله نهاية = لكن أنتى ما وقفتى عند حدك يا عظيمة
إستلذّيتى بطعناتى وأخذتيها هواية = كن مالك حربةٍ توجع وطعناتٍ أليمة
آه ليتك ما تماديتى بطعنات البداية = لين صار لكل طعنة فالحشا معنى وقيمة
الله يبيحك ولكن كيف فى أغرب رواية =تكتبين الحب كذبة والهوى دقة قديمة
وأنتى اللى كل ما لدن عيونك فى المراية = ما لمحتى الا اليتيم اللى خذت قلبه يتيمة
لكن أنتى صار لك حق الوصاية والولاية = واستبديتى وشدو البدو وأضحيتى مقيمة
ما رحلتى لين حطمتى بما فيه الكفاية=عاقلٍ حب الجنون وصوت نارك فى هشيمة
إستبحتى حرمة المجنون بادراك وعناية=والتفتى له بعقلك وارتكزتى فى صميمة
امتلكتى غايتة لو كان ماله فيك غاية=وانتصرتى فى عيونه واعترف لك بالهزيمة
من كثر ما يعشقك ما قال لك بالحب راية=خايف ألأيام لا تطلع عواقبها وخيمة
فى طريقك كل ما كنّه لمس درب الهداية=تاه ودروب الحياة المستقيمة مستقيمه
تايهٍ بصرى ومن جابه لبيت الله تاية=عذر من غمض بعين وعينه ألأخرى كريمة
فدوتك ما فات من ألأيام واللى عاد جايه=يا بعد عمرٍ مخاسيره معك عندى غنيمة
أنتى الفارع بقد وجد وأسماء وكناية=من عشق مثلك يجوز من الهوى وشداد ريمة
ليه لا وأنتى بحسنك فى ذوات الحسن آية=لا ذهب لا ماس لا ياقوت لا أحجارٍ كريمة
شاعرٍ له مع أهل الرايات فالمرقاب راية=كل ما هبت هبوبك فلها قدر وحشيمة
سامحك من ألف باء الذنب الى ماله نهاية=وأستباحك من خطاه وكل طقّة بتعليمة
يوم قلتى أعطنى حريتى أطلق يدايه=ماذخر عن وجهك الا طعنتينٍ فى صميمة
َضــيـدان بن قــضــعـان
20-09-2004, 08:47 AM
العرض المتطور
