السلام عليكم..
هذي قصه لمحمد بن فطيس و انا سمعتها بنفسي من صوته..
يقول :
كنا مجتمعين العصريه معى الشيبان و ولا يقول واحد منهم :
قال يالربع اليوم كنت ماشي بدربي
شفت لي بيت شعر مكتوب على جدار ،، يقول :
أعلان للي مابعد جرّب الحب *_*_* يترك طريق الحب قدر استطاعه
فيه الهنا ياتيك ساعه ويذهب *_*_* وفيه العنا ياتيك في كل ساعــه
المهم ابن فطيس يقول البيتين اعجبنه ،، وقعد يفكر فيها بالليل !!
تعرفون توّهـ شباب ،، وقلبه خظر // مسك ورقه وقعد يكتب ..
المهم من بكرة والرجال جالسين قال محمد يالربع ،، أنا قريت بيتين
وبقولها لكمـ :
اعلان للي مابعد جرب الحــــــــــــب *_*_* يسلك طريق الحب بس بشجاعه
فيه الوفا والغدر والصدق والكذب *_*_* وفيه الفراق وفيه شوق اجتماعه
حظك على حظك تشجّع وجـــــرب *_*_* ان صبت والا غير تاخذ مناعـــــه
ويضحك والد محمد ،، وقال // من كتب هالابياات ؟ ،، قال محمد : أنا
قال أبوهـ عطني الورقة ،، ويكتب عليها :
أعلان للي مابعد جرب الحــــــــــب *_*_* يترك طريق مايجوز اتباعـــــــه
مع الرجا والخوف والياس والذنب *_*_* لو دام وصله ماومنت انقطاعه
شيئ غريب يشاع بالشرق والغرب *_*_* تركه قلاع واتباعه قلاعــــــــه
الحين قدامكمـ ثلاث وجهات نظر للحب ...
ياليت تقتبس مايمثل وجهة نظركـ الخاصة !! ،،
10-07-2010, 03:01 PM
اعلان للي ما بعد جرب الحب
العرض العادي
