قصيدة جديده و مشفره لناصر الفراعنة .../////.

[الوانيت*]

ياصاحبي تبقى الثعالب ثعالب
وتبقى الذيابة لو توانت ذيابة
والديك ديك لو طلع له مخالب
والحر حرٍ لو زمانه خلا به
أنا مع الطيبين قلباً وقالب
عصابةٍ للي يدور عصابة
شرٍ على ملعون سبع المتالب
وخيرا على من علقت بي ركابه
يامحمد اعرض عن شحيح المحالب
خل الزلابة مثل ماهو زلابة
زلابه دايم عيونه تزالب
وان شاف له ضولن طمل في ثيابه
طرطبةٍ وأكثر علومه طهالب
متساويٍ عندي ذهابه و إيابه
لبلاب وادوخنا بكثر اللبالب
من كثر مايمدح ب مامه وبابه
كنت احسب جده لؤي بن غالب
ولا احد عشرة خيار الصحابة
لا مير جده لاش قشر ولا لب
كسرة لحيقٍ من ملاحيق لابه
في سلطة النمر أبن تولب توالب
و ياما عليهم شال نمرٍ زهابه
عصلب ردى دفوه سبعة عصالب
قام يعدي و يطيح من حر ما به
فلة سلاتيحٍ رخومٍ زهالب
الشكل غيرٍ و الروابع تشابه
على جبينه مثل وسم الدغالب
باقي أثر رمحٍ جديدٍ صوابه
أرفع مقامك يا كريم المطالب
عن كل عفنٍ ما يندي ترابه
ألم تقل بالأمس أن الطحالب
ما كدرت من نبع ماءٍ شرابه
أن أبن كحلوبٍ و معه كحالب
ما أجهضوا بالنبح ماء السحابه
صفر العيون أجيوشهم لو تكالب
من خشم غافي ما تحرك ذبابه
مغلوب ولا يا أحمر العين غالب
أنا معك دايم و جابه بجابه
أمجمعة سلكين موجب و سالب
نقصف خرايبهم خرابه خرابه
ونعدل لوالبهم لوالب لوالب
ونقطع طلايبهم طلابه طلابه
هل العشاش اللي علينا تجالب
لا من أصل يذكر ولا من مهابه
سود العلابي فارغين المعالب
ما منهم اللي فج للضيف بابه
جرد الهلابي فايهين المهالب
جلبة شريطينٍ لقاهم بغابه
لا في بني بكرٍ ولا في التغالب
ولا في بني خندف ولا في شبابه
مدري من الأصل الصقلي صقالب
أم من بقايا الزبط نهبوا نهابه
قامت للأسلاب القديمة تسالب
كل فرخ دابٍ جاك رامٍ سلابه
سحالب تسحب وراها سحالب
ما منهم اللي يدمي العظم نابه
أكثر مناقب قوم وجدي مثالب
عدو عينك من غدوا له قرابه
قامت على صبيان بدوا تألب
قومٍ عليهم من وصخهم جنابه
يوم أن دواليب الليالي تدالب
و هم مثل جرو الثعل في خبابه
حثالبٍ لا رحم أبوها حثالب
لا صاح صياح الضحى ما تجابه
ولا أنت عودك في سماء المجد صالب
صالب و زادته الليالي صلابه


أدخل :

http://www.youtube.com/watch?v=CqHHU...layer_embedded



.

[حزن الصرار]

رووووووووووووووووووعه
خل الزلابة مثل ماهو زلابة......زلابه دايم عيونه تزالب

ههههههههه آنششهد يا ناصر الفراعنهٌ..

يعطيك العاافيه آخويٌ...على نقلك الرائع والمبدع لشاعر ناصر الفراعنهٌ...

ننتظر كل ماهو جديد لك تقبل وديٌ..

[..وسوم..]

رائعة .. لاهنت والله يعطيك العافية
خيوو بانتظار جديدكــ

[(سعد بن محمد)]

صح السانك والسان شاعرهاا / ناصر الفراعنه

ولاهنت على النقل الطيب

[جابر بن عبدالله الفايز]

صح ألسانك والسان شاعرها


لاهنت ع النقل